Editoryal:
Labanan at biguin ang todong digma ng rehimeng US-Macapagal-Arroyo!

Read this article in English

Nakahanda ang Partido Komunista ng Pilipinas at lahat ng rebolusyonaryong pwersang pinamumunuan nito na harapin, labanan at biguin ang todong kontra-rebolusyonaryong digma ng rehimeng Macapagal-Arroyo at ang nakaambang imbing balak ng US na maglunsad ng digmang agresyon sa mga teritoryo ng Demokratikong Gubyernong Bayan.

Buo ang determinasyon ng mga rebolusyonaryong pwersa na ipagtanggol at isulong ang mga tagumpay na nakamit sa rebolusyonaryong pakikibaka sa lahat ng larangan.

Ang pagdedeklara ni Macapagal-Arroyo ng todong digma laban sa rebolusyonaryong kilusan ay tanda ng mabilis na lumalalang krisis ng naghaharing reaksyunaryong sistema at ng takot niya sa mabilis na pagsulong ng rebolusyonaryong kilusan. Nagsasalita siya nang buong kahambugan, kumikiling nang husto sa mga militaristang patakaran at isinasaisantabi ang usapang pangkapayapaan bunsod ng todong suporta ng imperyalismong US sa AFP at presensya ng mga tropang Amerikano sa loob ng bansa.

Mabibigo ang todong digma ng rehimeng Macapagal-Arroyo. Ibayo pang susulong at magkakamit ng mas marami at malalaking tagumpay ang rebolusyonaryong armadong kilusan sa iba�t ibang larangan ng pakikibaka.

Dulot ito pangunahin ng malalim na krisis sa ekonomya ng naghaharing sistema; ng maigting na tunggalian ng mga reaksyunaryong pulitiko na nagbubunga ng masidhing instabilidad ng rehimen at ng laganap na disgusto ng mamamayan. Ang paglulunsad ng todong digma ay tiyak ding magdudulot ng ibayo pang paglala ng krisis bunsod ng pagkaubos ng rekurso. Inuupat nito ang militar na maging mas walang pakundangan sa paglabag sa mga karapatang-tao na tiyak na mag-uudyok sa mas malawak na galit at paglaban ng mamamayan.

Kinakailangang matalas na suriin at samantalahin ang kalagayang ito at puspusang labanan sa lahat ng larangan upang biguin ang todong digma ng rehimeng Macapagal-Arroyo at ang nakaambang digmang agresyon ng imperyalismong US.

Pagkaisahin ang mamamayang Pilipino sa paglaban sa reaksyunaryong rehimeng Macapagal-Arroyo at palakasin ang mga pakikibakang masa sa mga sumusunod na isyu:

• (a) todo-todong pagpapakatuta sa imperyalismong US laluna sa usaping militar, kabilang ang pagpapahintulot ng permanenteng presensyang militar ng US sa pamamagitan ng magkakasunod na mga Balikatan, ang pagbubuo ng Mutual Logistics Support Agreement, ang pagpapahintulot ng pagpasok ng mga dayuhang tropa sa mga larangan ng digma at ang bulag na pagsunod sa patakarang panlabas ng US na lumilikha ng peligrong isangkot ang Pilipinas sa mga digmang inudyok ng US;
• (b) mga makadayuhan at anti-mamamayang patakaran tulad ng deregulasyon ng mga industriya ng kuryente at langis na nagdudulot ng ibayong kahirapan sa mamamayan;
• (k) planong pagsusog sa konstitusyon upang burahin ang nalalabing mga probisyong nagbibigay-proteksyon sa pambansang patrimonya at soberanyang pang-ekonomya;
• (d) lumalalang militarisasyon at lansakang panunupil tulad ng pagpaslang at pagtortyur, panggigipit at iba pang walang habas na paglabag sa mga karapatang-tao ng mga ordinaryong sibilyan, aktibista at mga nadarakip na mandirigma ng BHB.
• (e) ang pagbabasura sa usapang pangkapayapaan na bunga ng lumalalang militarismo ng rehimeng Macapagal-Arroyo.

Kinakailangang puspusang pukawin, organisahin at pakilusin ang mamamayan kaugnay ng mga isyung ito. May partikular na halaga ang pagtataas ng diwa ng militanteng patriyotismo, ng paglalantad sa iba�t ibang aspeto ng imperyalistang dominasyon sa Pilipinas at sa pangangailangang patuloy na isulong ang istorikong pakikibaka para sa pambansang paglaya.

May partikular na halaga rin ang paglalantad sa kawalan ng interes ng naghaharing rehimen na lutasin ang mga ugat ng gera sibil sa pamamagitan ng negosasyong pampulitika at ang iba�t ibang maniobrang isinasagawa nito upang isabotahe ang usapang pangkapayapaan. Habang pinaiigting natin ang rebolusyonaryong armadong pakikibaka, maaari nating hikayatin ang mga pwersang naghahangad ng tunay, pangmatagalan at makatarungang kapayapaan na igiit ang pagpapatuloy ng pormal na usapang pangkapayapaan. Magagawa ito sa pamamagitan ng pagsasakatuparan ng mga napirmahan nang kasunduan at pagrespeto sa dati nang napagkaisahang balangkas at adyenda ng negosasyon.

Kinakailangang ipagpatuloy ang pagpapaigting sa rebolusyonaryong armadong pakikibaka. Mulat na pagplanuhan at ilunsad ang mga regular at espesyal na taktikal na opensiba na maipagwawagi.

Kailangang ilunsad ang mga ito sa pinakamaraming posibleng lugar upang mapwersang idispers ng kaaway ang mga pasistang tropa at biguin ang pagtatangka nitong magkonsentra ng pwersa sa isang partikular na lugar sa isang partikular na panahon.

Laging subaybayan, pag-aralan at tasahin ang kalagayan at mga kilos ng kaaway upang matukoy ang mahihinang bahagi nito at iba pang target ng mga taktikal na opensiba.

Maaaring ibilang sa mga target ng BHB ang mga linya at tore ng kuryente at mga instalasyong pangtelekomunikasyon na magdudulot ng kalkuladong pinsala sa malalaking korporasyong umaapi sa mamamayan habang tinitiyak na walang sibilyang mapipinsala. Maaari itong isagawa laluna sa panahon ng malalaking deployment at konsentrasyon ng mga tropa ng AFP sa ilang lugar. Ang maliliit na pangkat ng kaaway na gagamiting pambantay sa mga instalasyong ito ay bulnerableng mga target ng BHB.

Patuloy na magpakahusay sa pakikidigmang gerilya hindi lamang upang mapreserba ang ating pwersa, kundi upang makapaglunsad rin ng mga taktikal na opensiba laban sa kaaway. Mahigpit na makipagtulungan sa masa. Patuloy na isulong ang rebolusyong agraryo at buuin at palakasin ang mga rebolusyonaryong organisasyong masa.

Kailangan ding labanan ang panghihimasok ng US at paghandaan ang planong tuwirang armadong interbensyon ng mga imperyalistang tropa ng US sa kontra-rebolusyonaryong digma. Kaugnay nito�y kinakailangang palakasin at palawakin ang mga pakikibaka laban sa mga pagsasanay-militar, sa pagpapatibay ng MLSA at sa bulag na pagsasakatuparan ng "digmang kontra-terorismo" ng gubyernong Bush.

Mahalaga ring makipagkaisa sa mamamayan ng buong mundo para sa pagwawakas ng armadong interbensyon ng US sa iba�t ibang bansa kabilang ang pagbigo sa planong panggegera sa Iraq.

Importante ring makipagkaisa sa mamamayang Amerikano, agresibong ilantad sa kanila ang pagpapahirap sa mamamayang Pilipino ng todong digma ng rehimeng Macapagal-Arroyo at ang malawak na pagtutol sa presensya ng mga tropang Amerikano sa bansa. Ang isang kilusang anti-digmaan sa US na nananawagan para sa pagpapauwi ng mga tropang Amerikano ay makatutulong nang malaki sa pagsisikap na labanan ang digmang agresyon ng US sa bansa.

Setyembre 2002
Edisyong Pilipino

	Editoryal: Labanan at biguin ang todong digma ng rehimeng US-Macapagal-Arroyo!
	All-out war ng rehimeng US-Macapagal-Arroyo: Sa utos ng imperyalismong US: All-out war laban sa rebolusyon, idineklara ng rehimen
	All-out war ng rehimeng US-Macapagal-Arroyo: PKP, BHB, ibinilang ng US sa listahan ng mga `terorista'
	All-out war ng rehimeng US-Macapagal-Arroyo: Dagdag na ayuda sa AFP, ipinangako ng US
	All-out war ng rehimeng US-Macapagal-Arroyo: Defense Policy Board, bubuuin
	All-out war ng rehimeng US-Macapagal-Arroyo: Panggigipit ng US at The Netherlands, binatikos ni Sison
	All-out war ng rehimeng US-Macapagal-Arroyo: Usapang pangkapayapaan, winawakasan na ng rehimen
	All-out war ng rehimeng US-Macapagal-Arroyo: Mga ligal na organisasyon, target din ng panunupil
	Guingona, tutol sa doktrina ng panggegera ng US
	Maniobrahan para sa 2004: Alitan nina Macapagal-Arroyo at Roco, tumambad sa publiko
	Pananalanta ng pasistang estado Ilang estadistika
	Pananalanta ng pasistang estado: Mga paglabag sa karapatang-tao(Mayo-Agosto 2002)
	Pananalanta ng pasistang estado: Sa Basilan at Zamboanga
	Pananalanta ng pasistang estado: Pinsalang hatid ng CARAT
	Kalupitan sa kamay ng Malaysia at ng rehimeng Macapagal-Arroyo
	Pang-uupat ni Bush ng gera sa Iraq, umaani ng batikos
	Isinasangkalan ng US ang weapons of mass destruction ng Iraq upang bigyang-katwiran ang panibagong digmang agresyon laban dito
	Pagmimina sa Mt. Diwalwal kinontrol na ng Malakanyang
	Balita