Ang karapatan ng mga batang Pilipino
Pag-oorganisa ng mga bata sa kanayunan

Read this article in English

Ang pagpupursige sa rebolusyonaryong pakikibaka ay alay natin sa mga bata at sa mga susunod pang salinlahi ng masang anakpawis. Kung kayat binibigyan natin ng espesyal na pansin ang pag-aruga at pagkalinga sa mga bata bilang mga pinakamamahal na anak ng rebolusyon. Itinuturing na bahagi ng tungkulin ng mga yunit ng Partido, laluna sa hukbong bayan at mga organisasyong masa, ang pagbubuo ng mga samahang pambata at pagsasagawa ng mga aktibidad na nakatuon sa pangangailangan ng mga musmos sa larangan ng kalusugan, literasi, kultura, pulitika at ekonomya.

Nagsisilbi ito sa pagpapalawak at pagpapalalim ng rebolusyonaryong baseng masa at sa pagsusulong ng demokratikong rebolusyong bayan.

Sa kasalukuyan, sa kanayunan higit na malusog ang karanasan sa pag-oorganisa ng mga bata. Dito�y binubuo ang grupo ng mga bata sa inisyatiba ng mga komiteng pang-organisa sa baryo. Pinangangasiwaan at inaagapayan ng grupo o komite ng kababaihan o kabataan ang grupo ng mga bata. Sinisikap na ipaunawa sa mga bata na tanging sa pamamagitan ng rebolusyon mawawakasan ang sistemang panlipunang yumuyurak sa kanilang mga karapatan bilang mga bata at umaapi sa buong sambayanan. Isinasagawa ito sa iba�t ibang mga paraang angkop sa mga bata.

Ang mga bata ay tinuturuang magbasa at magsulat. Itinuturo rin sa kanila ang mga saligang kaalaman hinggil sa kalikasan at syensya. Pinagsisikapang magkaroon ng mga proyektong pampamayanan upang mabigyan ang mga bata ng malinis na kapaligiran, saligang serbisyong medikal at masustansyang pagkain. Naglulunsad ng iba�t ibang mga paligsahan at palarong pambata upang tumulong sa pagpapanday ng maliksing pangangatawan at paglilinang ng ugali ng pakikipagtulungan at pagmamahal sa kapwa.

Tinuturuan din ang mga batang gumanap ng mga simpleng tungkulin sa rebolusyon katulad ng pagsasanay sa kanila sa pag-awit ng mga rebolusyonaryong himig, pagsalaysay ng mga kwento o tula ng pakikibaka at pagsigaw ng mga islogan laluna sa mga aksyong masa na nilalahukan nila at ng kanilang mga magulang. Gumagampan din ang mga bata ng napakahalagang tungkulin sa pagpapaabot ng mga mensahe hinggil sa pagkilos ng mga kasama at mga organisasyong masa at sa masigasig na pagtulong sa gawaing pamproduksyon. Habang sadyang inaalis ang mga bata sa gawaing pangkombat at pangmilitar, inililinaw sa kanila ang kahulugan at pangangailangan para sa sandatahang pakikibaka, ang bulok na katangian ng reaksyunaryong hukbo at ang dakilang kasaysayan at hangarin ng hukbong bayan. Sa pinakasimple, tinuturuan ang mga bata sa paraan ng lihim na pagkilos, kabilang na ang pagiingat sa ilang maseselang impormasyon gaya ng anumang tungkol sa kasapian ng mga komite at pagkilos ng mga mandirigma sa kanilang lugar.

Ang mga batang biktima ng pandarahas ng reaksyunaryong militar ay agad na kinakalinga at binibigyang-atensyon upang gamutin ang kanilang mga sugat at maagapayan sila sa pangingibabaw sa troma. Ang ipinamamalas nilang katatagan sa harap ng kahirapan ay binibigyang-pugay at itinataguyod na huwaran.

Binibigyan din ng espesyal na atensyon ang mga anak ng mga mandirigma. Tinutulungan ng mga rebolusyonaryong komite sa baryo ang mga pamilya kapwa ng mga mandirigma at mga rebolusyonaryong martir sa abot-kayang pagsisikap na matugunan ang kanilang pinakabatayang mga pangangailangan. Sa gitna ng krisis at pang-aapi ng reaksyunaryong gubyerno sa mamamayan at mga bata, mabilis na umiigting ang rebolusyonaryong paglaban ng masang anakpawis.

Kasabay ng tuluy-tuloy na pag-unlad, paglawak at paglalim ng rebolusyonaryong baseng masa sa buong bansa ang ibayong pagdami ng mga batang yumayakap sa rebolusyon bilang pagtangan sa kanilang pangarap ng isang malaya, makatarungan at mapayapang kinabukasan para sa buong sambayanan.

12 Nobyembre 1999
Edisyong Pilipino

	Editoryal: Samantalahin ang krisis sa paghahari ng reaksyunaryong rehimeng Estrada
	Editoryal: Batiin ang ika-21 siglo at ang bagong milenyo nang may kapasyahang paigtingin ang rebolusyon
	Hinggil sa mga batayan at espesyal na taktikal na opensiba
	Ang unos ng paglaban sa globalisasyon
	Ang lumalawak na imperyo ni Lucio Tan
	Sa pag-upo ni Lacson bilang hepe ng PNP: Paghasa sa pasistang pangil ng rehimeng US-Estrada
	Tumitinding pasismo ng rehimeng US-Estrada
	Ang karapatan ng mga batang Pilipino
	Ang karapatan ng mga batang Pilipino Tungkol sa diumano�y malawakang pagrerekrut ng BHB ng mga mandirigmang bata
	Ang karapatan ng mga batang Pilipino Ilang mahahalagang impormasyon
	Ang karapatan ng mga batang Pilipino Memorandum hinggil sa minimum na rekisitong edad para sa mga mandirigma ng Bagong Hukbong Bayan
	Ang karapatan ng mga batang Pilipino Pag-oorganisa ng mga bata sa kanayunan
	Ang karapatan ng mga batang Pilipino Ang miserableng kalagayan ng mga manggagawang bata sa Pilipinas
	Ang karapatan ng mga batang Pilipino Kontra-rebolusyonaryong karahasan laban sa mga bata sa kanayunan
	Hinggil sa usapin ng nasyunalidad at karapatan sa pagpapasya sa sarili
	Malawakang pagkilos para sa karapatang-tao, idinaos
	Ang moro-morong negosasyon sa pagitan ng rehimeng US-Estrada at pangkating Tabara-dela Cruz
	Di makataong pagtrato kay Ka Parago, kinundena
	Mga Balita