Pagtatayo ng balangay ng MAKIBAKA sa Kamaynilaan

Read this article in English

Hulyo noong nakaraang taon nang malathala sa AB ang pagbubuo ng balangay ng Makabayang Kilusan ng Bagong Kababaihan (MAKIBAKA) sa isang baryo sa Bikol. Isa lamang iyon sa marami nang nabubuong balangay nito sa kanayunan sa iba't ibang bahagi ng bansa. Ngayon, halaw sa isang artikulong lumabas sa pahayagang Malayang Pilipina ng MAKIBAKA, naririto naman ang tungkol sa pagkakabuo ng isang balangay nito sa Kamaynilaan.

Hunyo 15, 2003 nang mabuo ang isang balangay ng MAKIBAKA sa Barangay Alitaptap. Labinlimang kasapi ng MAKIBAKA ang nagtipun-tipon para rito. Ayon kay Kasamang Malaya Libertad, tagapagsalita ng MAKIBAKA, makasaysayan ang pagbubuo ng balangay na ito dahil ito ang kauna-unahang balangay na pormal na nabuo sa Kamaynilaan matapos ang Ikalawang Dakilang Kilusang Pagwawasto.

Katulad ng iba pang maralitang komunidad sa Kamaynilaan, karamihan sa mga nakatira sa Barangay Alitaptap ay lumikas mula sa prubinsya dahil sa militarisasyon at kahirapan.

Kababaihan ang unang naorganisa sa barangay na ito. Gumampan sila ng gawaing bahagi ng komiteng tulong-ugnay sa loob ng dalawang taon. Mayo 2003 nang buuin ang grupong pang-organisa (GP) ng kababaihan sa Barangay Alitaptap. Di nagtagal, pinagpasyahan na ang pagbubuo ng balangay ng MAKIBAKA. Bilang paghahanda, naglunsad sila ng mga pag-aaral kabilang ang Kalagayan ng Rebolusyonaryong Kilusan. Tinalakay din ang oryentasyon ng MAKIBAKA.

Malaking ambag ng balangay ng kababaihan sa Barangay Alitaptap sa lahatang-panig na pagsusulong ng rebolusyon ang pag-oorganisa ng mga kasapi nito sa kani-kanilang pamilya at iba pa sa komunidad. Naging susi sa pagbubuo ng iba pang organisasyong masa ang kababaihan. Mula sa kanilang mga pagsisikap, nakatakda nang buuin sa Barangay Alitaptap ang balangay ng KASAMA (organisasyon ng mga manggagawa at mala-manggagawa sa mga maralitang komunidad sa lunsod).

Nakatakda ring buuin ang ilan pang balangay ng MAKIBAKA sa iba pang komunidad sa Kamaynilaan sa susunod na mga buwan.

07 Marso 2004
Edisyong Pilipino

	Editoryal: Mulatin, organisahin at pakilusin ang kababaihan para sa rebolusyon!
	Ang kalagayan ng kababaihang manggagawa
	Panayam kay Salud Roja, tagapagsalita ng PKP-Central Luzon
	Paramihin ang Pulang mandirigmang kababaihan
	Ka Elena, kumander
	Ka Jiji at Ka Alex: kabataang kababaihang mandirigma
	Ang Makabayang Kilusan ng Bagong Kababaihan
	Pagtatayo ng balangay ng MAKIBAKA sa Kamaynilaan
	Matatagumpay na opensiba ng BHB: Mga sundalo, nabihag ng BHB
	Matatagumpay na opensiba ng BHB: Iba pang taktikal na opensiba, inilunsad mula Pebrero hanggang Marso
	Matatagumpay na opensiba ng BHB: Congressman ng Isabela, sinita ng BHB:
	Matatagumpay na opensiba ng BHB: Ambus kay Congresswoman Sato, isang mariing babala
	Sa ibayong dagat: Bakod ng Israel sa teritoryo ng Palestine
	Balita: Sektor ng transportasyon, di natinag sa banta ni Arroyo