Bilang pagtutuwid
Mensahe sa mga manggagawa ng PLDT

Read this article in English

Nais naming ituwid ang ilang maling impormasyon na nilaman ng balita tungkol sa welga sa Philippine Long Distance Telephone Company (PLDT) na lumabas sa p. 19 ng isyung Enero 2003 ng AB.

Nagpupuna rin ang patnugutan ng AB sa pagsipi sa sinabi ni Pete Pinlac, pinuno ng MKP, na animo�y awtoridad at kinatawan ng mga manggagawa ng PLDT. Katulad ng nalalaman ng mga manggagawa ng PLDT, si Pinlac ay isang dilawan na kinakasangkapan ng maneydsment upang lalong apihin ang mga manggagawa.

Katunayan, pinahintulutan ni Pinlac na isingit sa CBA noong taong 2000 ang probisyong pabor sa "out-sourcing" at "out-jobbing" o ang pagpapatrabaho ng PLDT sa di nito regular na mga manggagawa. Nagawa niya ito sa pamamagitan ng kanyang agaw-eksenang hunger strike na dumiskaril sa sama-sama at militanteng pagkilos noon ng mga kasapi ng MKP.

Ang welga noong Disyembre ay hindi matatag na pinaghandaan ni Pinlac at ng grupo niyang kaalyado ng KPD, BMP at AGLO. Bumuntot si Pinlac sa welga; subalit sa halip na tumulong sa pagpapalakas nito, pinahina niya ito sa pamamagitan ng paninira sa mga progresibong kasapi ng unyon at pagsagka sa kanilang mga pagsisikap na itaguyod ang laban ng mga manggagawa ng PLDT.

Nabigo ang welga na sagkaan ang planong tanggalan ng mga manggagawa sa PLDT, ngunit kahanga-hanga ang ipinamalas na pagpupunyagi, militansya at diwa ng pagkakaisa ng mga manggagawa na lumaban sa kabila ng mga pagsagkang ginagawa ng dilawang lider na si Pinlac.

Ang mapanlabang diwang ito ang puhunan upang lalong palakasin ang mga darating pang pakikibaka laban kay Pinlac at sa mga kontra-manggagawang pakana ng PLDT.

Pebrero 2003
Edisyong Pilipino

	Editoryal: Para sa pagsuporta nito sa pang-uupat ng gera sa Iraq Pagbayarin ang rehimeng Macapagal-Arroyo!
	Malawak ang pandaigdigang pagtutol sa pananalakay sa Iraq
	Mga tampok na kilos protesta
	Mga kilos-protesta sa Pilipinas laban sa bantang gera ng US sa Iraq, lumalawak
	Ang kriminal at kontra-rebolusyonaryong si Romulo Kintanar, pinarusahan
	Macapagal-Arroyo, hayagan nang pumabor sa cha-cha
	Pandaraya sa mga estadistikang pang-ekonomya, nabunyag
	Ang krisis na ikinukubli ng pandirigma ni Bush
	Mga Ulat Koresponsal: Pakikibakang agraryo sa Cagayan at Isabela: Kampanya sa pagpapataas ng presyo ng mais, tagumpay
	Mga Ulat Koresponsal: Lupang inagaw, binawi ng mga magsasaka sa Isabela
	Mga Ulat Koresponsal: Kampanyang magsasaka sa Ilocos Region, lumalawak
	Mga Ulat Koresponsal: Paano binawi ni Mang Ador ang kanyang lupa
	Dekada '70: Pelikulang may panlipunang kabuluhan
	Balita
	Bilang pagtutuwid Mensahe sa mga manggagawa ng PLDT
	Pagtutuwid