Reaksyunaryong Eleksyon:
Karahasan sa eleksyon, itinala ng NDF-Mindanao

Read this article in English

Ang rehimeng Macapagal-Arroyo ang pangunahing responsable sa laganap na pandaraya at karahasan sa Mindanao kaugnay ng katatapos na eleksyon. Ayon kay Jorge "Ka Oris" Madlos, tagapagsalita ng

Pinakamatingkad ang tatlong kaso ng pamamaslang sa Compostela Valley: ang pagpatay sa tatlong myembro ng Bayan Muna (BM) sa Laac; kay Rodolfo Gogo, tagasuporta ng BM mula sa Monkayo; at kay Boy Galang, tserman ng Mt. Diwata Alliance. Sunud-sunod ring pinatay ang apat na kapitan ng barangay sa ikalawang distrito ng Zamboanga del Sur.

Lahat din ng maisipang paraan ng pandaraya ay ginamit di lamang laban sa mga karibal na kandidato ng administrasyong Arroyo kundi sa mga progresibong partido. Kabilang dito ang pagkakalat ng itim na propaganda at pagbabanta; pagmamaniobra para hindi makatuloy sa presinto ang mga botante; pamimili ng boto at pagsama ng mga patay sa listahan ng mga botante; sadyang pagpapatagal ng bilangan sa mga kampong militar laluna sa mga komunidad ng mga Moro; pagpapalit sa mga certificate of canvass o "dagdag-bawas"; panunuhol sa mga upisyal ng COMELEC; paggamit sa pondo, tauhan at pasilidad ng gubyerno at iba pa.

Kapansin-pansin na wala ni isang insidenteng naganap kaugnay ng grupong Jemaah Islamiyah, taliwas sa pananakot ng rehimen bago mag-eleksyon. Kapansin-pansin din na iilang kaso ang naibintang sa Bagong Hukbong Bayan (BHB), taliwas muli sa propaganda ng rehimen na ang pangunahing banta ng karahasan sa eleksyon ay nagmumula sa BHB. Ayon kay Ka Oris, karamihan sa mga insidenteng iniuugnay sa BHB ay may kinalaman sa pagpapatupad ng rebolusyonaryong hustisya o pagbira sa mga lehitimong target-militar at walang kaugnayan sa eleksyon.

21 Mayo 2004
Edisyong Pilipino

	Editoryal: Malawakan ang karahasan at pandaraya sa nagdaang eleksyon
	Reaksyunaryong Eleksyon: Panununog sa Isabela, kinundena ng BHB
	Reaksyunaryong Eleksyon: AFP ang may kagagawan ng karahasan, pandaraya sa eleksyon �- NDF-Eastern Visayas
	Reaksyunaryong Eleksyon: Karahasan sa eleksyon, itinala ng NDF-Mindanao
	Reaksyunaryong Eleksyon: Militar, RPA nangampanya laban sa mga progresibong partido
	Gubyerno at mamamayan ng Pilipinas, baon sa utang
	Walang katapusang pangungutang
	World Bank, palabigasan ng pinakamalalaking imperyalistang korporasyon
	Mga Ulat Koresponsal: Ka Boyet, mahusay na rebolusyonaryong kadre at kumander
	Sa Ibayong Dagat: Ang makasaysayang Labanan sa Dien Bien Phu
	Sa Ibayong Dagat: Cuba, naghahanda sa pagsalakay ng US
	Balita