Ipinagdiriwang ng ang pagpaparusa kay Colonel Aguinaldo
Ilang minuto lamang matapos parusahan ng isang tim ng Fortunato Camus Command ng BHB si Col. Rodolfo Aguinaldo, malayo agad ang inabot ng balita tungkol dito. Para sa laksang biktima ng kahayupan ni Aguinaldo, wala nang ibang balitang mas nakasisiya kaysa sa pagkapataw ng parusang kamatayan sa kinamumuhiang salot na pasista.
Si Aguinaldo ay dating koronel ng PC at naging pulitikong tinaguriang "buwitre ng Cagayan". Pero mas nakilala siya sa buong bansa sa mahaba at madugong kontra-rebolusyonaryo at anti-mamamayang rekord niya bilang nangungunang lumalabag sa karapatang-tao, tumotoryur at berdugo ng mga bilanggong pulitikal at iba pang rebolusyonaryo at masa. | Siya ang pinakalarawan ng kinamumuhiang kaaway, sukdulang anti-mamamayan at kontra-rebolusyonaryo, anti-komunista at militarista. Kaalinsabay, maamo siyang ahente ng mga imperyalista, malaking panginoong maylupa at kumprador. |
Pinagbayaran niya ang marami niyang utang na dugo sa rebolusyonaryong kilusan at mamamayan noong gabi ng Hunyo 12, 2001, sa mismo niyang "balwarte" sa Tuguegarao City. Ang pagparusa sa kanya ay malaon nang kinapanabikan ng mamamayan.
Ang buong buhay ni Colonel Aguinaldo ay inilaan sa pagtatanggol ng naghaharing bulok na sistema. At ginawa niya ito sa pinakabulok, pinakamasama at pinakakasuklam-suklam na mga paraan. Sa matagal na panahon, naghasik si Aguinaldo ng pasistang lagim at nagpakawala ng maruruming taktikang psywar laban sa mamamayan ng Cagayan, Apayao at iba pang lugar. Siya ang pinaka larawan ng kinamumuhiang kaaway, sukdulang anti-mamamayan at kontra-rebolusyonaryo, anti-komunista at militarista. Para sa mamamayang dumanas ng kahayupan ni Aguinaldo, isa siyang demonyong nagkatawang-tao.
Sa kabilang panig, si Aguinaldo ay isang bayani para sa mga imperyalista, malaking panginoong maylupa at kumprador. Bilang pagtatanggol sa kanya, isinumbat minsan ng isang upisyal ng CIA na "Maaari kayong matulog nang ligtas at mahimbing dahil sa mga taong tulad ni Rodolfo Aguinaldo".
Tulad ng inaasahan, ikinagalit at ikinatakot ng mga naghaharing uri sa bansa at ng kanilang imperyalistang amo ang kamatayan ng kanilang pinagkakatiwalaang berdugo na si Aguinaldo. Ang buhay at halimbawa ng mga demonyong mala-Hitler tulad ni Aguinaldo ay sadyang nais nilang parangalan at palaganapin. Bagay itong mahalaga sa kanila sa harap ng lumalaking banta sa kanilang paghahari bunga ng mabilis na sumusulong na rebolusyonaryong kilusan.
Mula ngayon, di na sila kailanman makatutulog nang mahimbing.
| 
