Magkakambal na pasista

Read this article in English

Nagmamalinis ang imperyalismong US sa sarili nitong nakahihindik na rekord ng paglabag sa karapatang-tao at naghuhugas ng kamay sa ginagampanan nitong papel sa pagpopondo at pagsasanay sa reaksyunaryong hukbo sa Pilipinas sa pinakahuling mga pahayag nito kaugnay sa kalagayan ng karapatang-tao sa bansa.

Sa ulat ng US State Department na pinamagatang "Country Reports on Human Rights Practices" na inilabas nitong Pebrero 28, tinukoy ng US na responsable sa arbitraryo, iligal at ilang kaso ng ekstrahudisyal na mga pagpatay, pagdukot, tortyur at detensyon ang mga pwersa ng AFP at PNP. Pinakakaraniwang biktima ng mga ito ay mga sibilyan at mga rebolusyonaryong pwersa na binansagan nitong mga "rebelde." Kabilang sa pinakatampok na kaso ang walang pakundangang pamamaslang ng militar at pulis sa mga nakawelgang manggagawang bukid sa Hacienda Luisita noong Nobyembre.

Walang ibang dapat sisihin sa ganitong rekord ng AFP kundi ang imperyalismong US. Mula't sapul, ang gubyerno at armadong lakas ng US ang siyang nagsanay, nag-indoktrina at sumuporta sa AFP at PNP. Sinasalamin nito ang sagad-sagarang pasistang oryentasyon ng militar ng US na makikita sa mga arbitraryong detensyon at tortyur ng mga binansagan nitong terorista sa mga kampo nito sa Guantanamo, Iraq at Afghanistan.

07 Marso 2005
Edisyong Pilipino

	Editoryal: Ilantad at tutulan ang papataas na antas ng interbensyong militar ng US sa bansa
	Karahasan laban sa demokratikong kilusan
	Magkakambal na pasista
	Dalawang mukha ng pagbubuwis
	Pinalulutang ng utang
	Pangunahing biktima ng kagutuman ang maralitang kababaihan
	Pandaraya sa bilihan ng saging, nilalabanan
	Sinu-sino ang kaakbay ng Akbayan?
	Sa lahat ng kalaban ng imperyalismo
	Sino si John Negroponte?
	Matatagumpay na Opensiba ng BHB
	Balita