Dalawang Pahayag
Pahayag hinggil sa mga paghahabol kaugnay sa karapatang-tao sa ilalim ng Artikulo 5, ikatlong bahagi ng CARHRIHL

Read this article in English

ni Jose Maria Sison
Pangunahing Pampulitikang Konsultant
Negotiating Panel ng PDPP

Halaw sa pahayag noong Setyembre 29, 1998

Ang tanging upisyal na dokumento na nag-oobliga sa Gubyerno ng Republika ng Pilipinas na magbigay-indemnipikasyon sa mga biktima ng mga paglabag sa karapatang-tao sa ilalim ng rehimeng Marcos ay ang Komprehensibong Kasunduan sa Paggalang sa mga Karapatang-tao at sa Internasyunal na Makataong Batas, partikular ang Artikulo 5, Ikatlong Bahagi nito.

Kung tatalikuran ng GRP ang mga obligasyon nito sa ilalim ng nasabing probisyon, tiyak na lubusan at tuluyan nang babagsak ang negosasyong pangkapayapaan sa pagitan ng GRP at PDPP.

Napakasama at napakaiskandaloso na habang natutubos na ng mga Marcos at pinakamalalaking kroni nila ang nakaw na yaman mula sa pagkasekwester, pilit na ibinabangga ng rehimeng Estrada ang Amerikanong abugadong buwitre (na si Robert Swift*) laban sa SELDA upang malusutan ang malinaw na obligasyon ng GRP sa ilalim ng Kasunduan.

Ang paglabag ng GRP sa Kasunduan ay dagdag na nagbibigay-katwiran sa digmang bayang inilulunsad ng mga rebolusyonaryong pwersa. Makatatamo ang mamamayan at mga biktima ng mga paglabag sa karapatang-tao ng pinakamalaking kasiyahan sa mapagparusang katarungang makakamit mula sa digmang bayan.

__________________________

*Si Swift ay dating abugado ng SELDA (Samahan ng mga Ex-Detainee Laban sa Detensyon at para sa Amnestiya) na nagsasarili sa paghahabol ng kompromisong pakikipagkasundo sa mga Marcos kaugnay ng indemnipikasyon sa mga biktima ng mga abuso ng bumagsak na pasistang diktadura. Nais niyang kumubra ng bayad sa kanyang serbisyo sa pag-aabugado na halos kwarenta porsyento ng kabuuang halagang makukuha ng mga biktima. Kasalukuyan siyang abugado ng Claimants 1081, isang munting grupong ibinabangga ang sarili sa SELDA at umaangkin sa papel ng lehitimong kinatawan para pagkaitan ng katarungan ang malaking mayorya ng mga tunay na biktima ng diktadurang Marcos.

__________________________

10 Disyembre 1998
Edisyong Pilipino

	Editoryal: Papanagutin ang GRP sa mga Obligasyon nito sa Kasunduan sa Karapatang-tao!
	Komprehensibong Kasunduan sa Paggalang sa mga Karapatang-tao at sa Internasyunal na Makataong Batas Makasaysayang Dokumento ng Pakikibaka ng Sambayanang Pilipino para sa Karapatang-tao
	Ang pasikut-sikot na daan ng usapang pangkapayapaan
	Pagtataguyod sa Rebolusyonaryong Integridad ng PDPP sa Usapang Pangkapayapaan
	Dalawang Pahayag Pahayag hinggil sa mga paghahabol kaugnay sa karapatang-tao sa ilalim ng Artikulo 5, ikatlong bahagi ng CARHRIHL
	Dalawang Pahayag Hindi tutupdin ni Estrada ang kanyang pangako