Matatagumpay na opensiba ng BHB:
Tampok na mga opensiba

Read this article in English

Istasyon ng pulisya sa Ilocos Sur, sinalakay

HINDI bababa sa pitong M16 ang nasamsam ng mga Pulang mandirigma ng Bagong Hukbong Bayan (BHB) nang salakayin nila ang himpilan ng pulisya sa Santa Lucia, Ilocos Sur bago maghatinggabi nitong Setyembre 15.

Nakipagpalitan ng putok ang walong elemento ng pulis na nasa istasyon. Ngunit makaraan ang dalawampung minuto, napilitan silang sumuko sa BHB. Dalawa sa kanila ang patay, lima ang sugatan at isa ang tumakbo. Pagkatapos mapasok ang armori ng pulisya, sinunog ng BHB ang himpilan at ang nakaparadang sasakyan ng pulis.

Samantala, noong Setyembre 6 ng gabi ay sinalakay ng BHB ang munisipyo ng Esperanza, Masbate. Isang kompyuter ang nakumpiska.

Mga sundalo tinambangan sa Isabela

Tatlong elemento mula sa nag-ooperasyong mga tropa ng Alpha Coy ng 45^th IB ang namatay at marami pang iba ang nasugatan nang tambangan sila ng pwersa ng BHB-Venerando Villacillo Command nitong Setyembre 7 sa Palacian, San Agustin, Isabela.

Ito ang pagtutuwid ni Ka Delio Baladon, tagapagpahayag ng Benito Tesorio Front, sa kasinungalingang iniulat sa masmidya ni Gen. Samuel Bagasin, kumander ng 5^th ID, na walang pinsalang natamo ang AFP at hindi raw ambus ang naganap kundi engkwentro. Ani Baladon, nakita mismo ng mga sibilyan sa lugar na binubuhat ng mga sundalo ang tatlong patay at maraming sugatang sundalo.

21 Setyembre 2003
Edisyong Pilipino

	Editoryal: Palakasin ang kilusang protesta laban sa korapsyon at rehimeng US-Arroyo
	Ang mga haharapin ni Macapagal-Arroyo bago ang eleksyong 2004
	GMA: Desperadong kumakapit sa poder
	Tumitindi ang panunupil sa pamamahayag
	Tumitinding panunupil: Humahabang listahan ng mga biktima
	Paikut-ikot
	Ka Amado V. Hernandez: Komunista, lider manggagawa, makata, nobelista at peryodista
	Sa Ibayong Dagat: Pulong ng WTO sa Cancun, bagsak
	Sa Ibayong Dagat: Mga protesta laban sa adyenda sa Cancun, tagumpay
	Matatagumpay na opensiba ng BHB: Tampok na mga opensiba
	Balita