All-out war ng rehimeng US-Macapagal-Arroyo:
Sa utos ng imperyalismong US:
All-out war laban sa rebolusyon, idineklara ng rehimen

Read this article in English

Nagdeklara ang rehimeng Macapagal-Arroyo ng todong digma laban sa rebolusyonaryong kilusan nitong Agosto 5 bilang pagsunod sa direktang utos ng imperyalismong US.

Sa isang pahayag nitong Agosto 6, sinabi ni Gregorio "Ka Roger" Rosal, tagapagsalita ng Partido Komunista ng Pilipinas, na ang deklarasyong ito ay idinikta ni US State Sec. Colin Powell nang makipagpulong ito sa Malakanyang noong Agosto 2.

Pilit na ginagamit ni Macapagal-Arroyo ang "kontra-terorismo" bilang tuntungan sa paglulunsad ng todong digma laban sa rebolusyonaryong kilusan. Sa kanyang mga pahayag, baluktot niyang ibinilang sa mga terorista ang mga rebolusyonaryong pwersa, kahanay ng mga kidnaper, ismagler at iba pang mga kriminal na elemento.

Kaugnay nito, iniutos niya ang paglilipat ng libu-libong tropa ng AFP na nanalanta sa Basilan tungo sa mga lugar na pinaghihinalaan nilang mga teritoryo ng rebolusyonaryong kilusan. Kabilang dito ang ilan sa mga batalyong nakapakat laban sa Abu Sayyaf sa Kanlurang Mindanao na iniutos na ibalik sa Gitna at Hilagang Mindanao.

Pinaplano ngayon ng AFP at PNP na magdagdag ng 7,000 sundalo (14 na batalyon), 5,000 bagong pulis at 15,000 bagong tauhan para sa CAFGU na gagamitin sa pagpapatindi ng kontra-rebolusyonaryong digma. Dinagdagan ng P800 milyon ang badyet ng AFP ngayong taon para sa rekrutment ng karagdagang mga batalyon.

Hindi na bago ang deklarasyong ito ni Macapagal-Arroyo ng todong digma laban sa rebolusyonaryong kilusan. Sa katunayan, hindi niya inihinto ang all-out war ng rehimeng Estrada. "Pagkaupong-pagkaupo niya sa poder noong Enero 2001," ani Ka Roger, "palihim nang iniutos ni Macapagal-Arroyo ang malawakang pananalakay ng teroristang AFP at PNP sa mga larangang gerilya."

"Ilang buwan nang rumaragasa sa mga sonang gerilya ang todo-todong kontra-rebolusyonaryong digma ng AFP," wika ni Ka Roger.

Mula noong ikalawang hati ng 2001, iniutos na ni Macapagal-Arroyo ang malawakang deployment ng AFP sa mga sonang gerilya. Dalawang katlo (2/3) ng kabuuang pwersa ng AFP ay nakatuon ngayon sa kampanya ng panunupil laban sa mamamayan at rebolusyonaryong kilusan. Nakadeploy sa Timog Katagalugan ang 19 na batalyon ng AFP at PNP. Ngayong taon, mismong si Macapagal-Arroyo ang nag-utos na ideploy ang siyam na panagupang batalyon sa isla ng Mindoro.

Bagamat kasabay nito�y muli niyang binuo ang GRP negotiating panel noong Mayo 2001 upang makipag-usap sa NDFP, wala naman itong ipinakitang kaseryosohang ipatupad ang mga naunang kasunduan upang pasulungin ang usapan. Katunayan, binuwag rin ito ng rehimen nitong Marso 2002.

Ayon kay Ka Roger, ang deklarasyon ng all-out war ay mahigpit na kaugnay ng layunin ng US na tiyakin ang permanenteng presensya ng mga tropang Amerikano sa bansa at bigyang-daan ang direktang panghihimasok ng mga ito sa kontra-rebolusyonaryong digma. Gagamitin din kaugnay nito ang nakatakdang siyam na buwang pinagsanib na pagsasanay-militar na isasagawa sa mga sonang gerilya simula sa Oktubre.

Setyembre 2002
Edisyong Pilipino

	Editoryal: Labanan at biguin ang todong digma ng rehimeng US-Macapagal-Arroyo!
	All-out war ng rehimeng US-Macapagal-Arroyo: Sa utos ng imperyalismong US: All-out war laban sa rebolusyon, idineklara ng rehimen
	All-out war ng rehimeng US-Macapagal-Arroyo: PKP, BHB, ibinilang ng US sa listahan ng mga `terorista'
	All-out war ng rehimeng US-Macapagal-Arroyo: Dagdag na ayuda sa AFP, ipinangako ng US
	All-out war ng rehimeng US-Macapagal-Arroyo: Defense Policy Board, bubuuin
	All-out war ng rehimeng US-Macapagal-Arroyo: Panggigipit ng US at The Netherlands, binatikos ni Sison
	All-out war ng rehimeng US-Macapagal-Arroyo: Usapang pangkapayapaan, winawakasan na ng rehimen
	All-out war ng rehimeng US-Macapagal-Arroyo: Mga ligal na organisasyon, target din ng panunupil
	Guingona, tutol sa doktrina ng panggegera ng US
	Maniobrahan para sa 2004: Alitan nina Macapagal-Arroyo at Roco, tumambad sa publiko
	Pananalanta ng pasistang estado Ilang estadistika
	Pananalanta ng pasistang estado: Mga paglabag sa karapatang-tao(Mayo-Agosto 2002)
	Pananalanta ng pasistang estado: Sa Basilan at Zamboanga
	Pananalanta ng pasistang estado: Pinsalang hatid ng CARAT
	Kalupitan sa kamay ng Malaysia at ng rehimeng Macapagal-Arroyo
	Pang-uupat ni Bush ng gera sa Iraq, umaani ng batikos
	Isinasangkalan ng US ang weapons of mass destruction ng Iraq upang bigyang-katwiran ang panibagong digmang agresyon laban dito
	Pagmimina sa Mt. Diwalwal kinontrol na ng Malakanyang
	Balita