Kaupay tan-awon hini kahumayan
Matin-aw maanyag nawong namumuyahaw
Kun imo paglakton imo mababati
Haganas han dahon, nga ini tigaman
han amon paglaum.
Kauupay kun sugad kinabuhi namon
natubo nga waray nakakahamong
Pero kay may agaron ha amon nalambong
Ginpugngan, ginkontrol an pag-uswag namon.
Nagkuri hin ungod amon kabutangan
Bisan diin kadto permi kasakitan
Amion kapagalan diri man pagpulsan
Kay nahingadto la agaron an ngaran.
Ano daw la an angay ta buhaton
Permi nga permi la an pagka-uripon
Agraryo rebolusyon aton ipasulong
Para marumpag ta kuta han agaron.
|