Pag-uulat ukol sa pagtungo ng International Solidarity Mission (ISM) sa ilang bayan sa Mindanao at sa kaakibat nitong Lakbay Kalinaw o People's Caravan for Free-dom, Sovereignty and Genuine Peace noong Hulyo 2002. Ang Mindanao ang tinukoy ng US bilang second front sa isinusulong nitong "gera kontra terorismo." Layunin ng ISM at ng Lakbay Kalinaw na makiisa sa mga mamama-yan ng Mindanao at suriin ang mga epekto ng pagtigil dito ng mga tropang Kano. Ang resulta ng kanilang imbestigasyon: napatunayan di lamang ang direktang paglahok ng mga sunda-long Amerikano sa mga operasyong "anti-terorista", kundi pati ang mismong pagbaril ng sundalong Kano sa isang sibilyang Muslim - habang ito'y natutulog sa kanyang tahanan. Naging mainit naman ang pagsalubong ng mamamayan sa iba't ibang bayang dinaanan ng Lakbay Kalinaw. At kahit pilit silang hinarang at hinaras ng pulis at militar, lalong nag-umapaw ang paninindigan ng mga sumali sa caravan. Walang nakapigil sa dagundong ng kanilang panawagan: "US Troops, Out Now!"