| Adlaw naghatag lamrag ngan kapasuan
Naghatag hin kinabuhi han tanaman
Ha pagsirang nahuni an katamsihan
Tungod ha iya nabuhi an katawhan.
An guba an puy-anan han kakahuyan
Istaran han insekto ngan kahayupan
Surok han pagkaon, medisina ngan tubig
Tungod ha iya nabuhi an katawhan.
Dagat kadtuan butang ha katunaan
Damo nabuhi ha iya kahiladman
Naglipay isda ha katahom ngan kalinawan
Tungod ha iya nabuhi an katawhan.
Tungod proletaryo rebolusyonaryo man
Nagin adlaw, guba ngan kadagatan
Nagseserbi nga waray kabalyuan
Kundi an kalipay nga ihatag ha katawhan.
|
