PRESS RELEASE
Information Bureau
Communist Party of the Philippines

Duha nga elemento han CAFGU, ginsirutan han NPA ha Este Samar
March 4, 2005

Ginpahayag yana nga adlaw han NDF-Sinirangan Bisayas nga duha nga elemento han paramilitar nga CAFGU an ginpansirutan han NPA ha Este Samar hadin Marso 1. Ini kahuman mapatud-an ha husgado han katawhan an ira mga kontra-katawhan ngan kontra-rebolusyonaryo nga krimen.

Subay ha sumat han Sergio Lobina Command (SLC), an provincial operations command han NPA ha Este Samar, ginpatukan han sirot nga kamatayon an mga CAFGU nga hira Tiyok Barsana, 70 anyos, ngan an iya anak nga hi Doming Barsana, 50 anyos, han 6:15 han aga ha Brgy. Buenavista, Quinapondan, Este Samar. An duha nga CAFGU pareho residente han Brgy. Buenavista ngan aktibo nga nagios ilarum han 62nd IB PA nga nakabase ha Brgy. San Miguel, Hernani, Eastern Samar.

Ginlista han SLC an masunod nga mga krimen nga ginhimo han duha nga CAFGU kontra ha katawhan ngan rebolusyunaryo nga kagiusan:

1.) Nanmatay hira hin mga inosente nga sibilyan nga ira gintatahapan nga tagsuporta o kaapi han rebolusyunaryo nga kagiusan;

2.) Nagserbe hira komo mga aktibo nga impormer han militar tikang pa han dekada �80, ha luyo han mga pahimatngon ha ira;

3.) Naggigiya hira ha mga operasyon han militar ha kabaryuhan;

4.) Gin-iinterogar ngan ha sugad gintatarhug an mga tawo ha ira baryo nga diri nira kilala; ngan

5.) Nanmolestiya hi Tiyok Barsana hin usa nga nuwebe anyos nga bata ha Brgy. Buenavista hadton 2002, ngan nagbuhat an magtalaamay han iba pa nga mga kontra-sosyal nga aktibidad.

Dugang pa han SLC, tikang pa han dekada �80 an panalinguha han NPA nga esturyahan ngan engganyaron nga gumawas na ha CAFGU an magtalaamay ngan ukyon an ira kontra-sosyal nga mga aktibidad. Ginbale-waray nira ini, lugod dugang la nga nagin aktibo ha CAFGU ngan nagpadayon han ira mga kontra-sosyal ngan kontra-rebolusyonaryo nga aktibidad. Kahuman han kaangayan nga proseso han rebolusyonaryo nga sistema han hustisya, ginpatuman an sirot ha duha nga CAFGU, nga iginkakalipay han katawhan ngan han ira mga nagin biktima.#

Reference:
Roy Santos
NDF-EV Media Liaison Officer
Cellphone No. 0918-3112138
E-mail: [email protected]


Back to top