|
PRESS RELEASE
Information Bureau
Communist Party of the Philippines
Abusado ngan paragtalapas han katungod pantawo an militar, diri la simple nga nagpakabuhi sugad han sering ni Palparan
March 14, 2005
Gin-anunsyo yana han NDF-EV an pagpaklaro han Arnulfo Ortiz Command (AOC) hiunong ha Marso 3 nga ambus ha mga elemento han 34th Infantry Battalion giutan han Brgy. Quezon, San Jorge ngan Brgy. Palencia, Tarangnan. An AOC amo an provincial operations command han Bagong Hukbong Bayan (BHB) ha Weste Samar.
Sering han sumat han AOC hiunong ha ambus: �Usa la ini nga porma han sirot tungod han padayon nga paghihimo han 34th IB han diri makatawo nga binuhatan samtang nagpapatuman han ira RSOT [Reengineered Special Operations Teams], sugad han pagkakampo sakob han baryo�partikular ha mga kapilya, eskoylahan ngan mga balay han sibilyan�ngan pananarhug ha mga sibilyan ngan pag-aakusar nga mga kaapi han NPA, ngan pagpipirit ha mga taghimaryo nga maggiya ha ira mga operasyon.�
Ginpanhimuwa han sugad nga sumat han AOC an propaganda ni Hen. Jovito Palparan, hepe han 8th Infantry Division, nga simple la nga nagpapakabuhi an mga gin-ambus nga sundalo. Ha kamatuoran, abusado ngan paragtalapas han katungod pantawo an institusyon militar, diri la simple nga pakabuhi. Dugang ini nga naghahatag han kamatadungan hini nga taktikal nga opensiba han BHB, nga usa nga lehitimo nga aksyon militar kontra ha usa nga lehitimo nga target militar. Utro nga narerehistro an reyalidad han gerra sibil ha Pilipinas ha buwaon nga hi Hen. Palparan, ngan an kaandamon han BHB nga pansirutan an pinakalanong ngan abusado nga mga yunit han 8th ID.
Banda alas tres han kakurulpon han gin-gamaan han mga Pula nga mangaraway han AOC an Hummer Military Vehicle nga ginsakyan han mga elemento han 34th IB. Duha nga elemento han kaaway an patay ha agway ngan samaran an iba pa, samtang talwas ngan waray hibang ha gapil han BHB. Lima nga high-powered rifles ngan iba pa nga higamit militar an nakumpiska han BHB.#
Reference:
Roy Santos
NDF-EV Media Liaison Officer
Cellphone Number: 0918-3112138
E-mail: [email protected]
Back to top
| 