|
PRESS RELEASE
Information Bureau
Communist Party of the Philippines
Terorismo sa AFP ug PNP ni GMA, nagakasamut sa Habagatang Katagalugan - Ka Roger
October 18, 2001
Lugdang nga gipanghimaraut sa Partido Komunista sa Pilipinas, pinaagi sa tigpam�b� niining si Gregorio "Ka Roger" Rosal, ang nagpadayon ug nagkasamut nga terorismo sa mersenaryong Armed Forces of the Philippines ni Gloria Macapagal-Arroyo sa Habagatang Katagalugan.
Mikabat na sa 93 ka mga kaso sa mga paglapas sa tawhanong katungud ang nagpanghitabo sa rehiyon niining Setyembre 15. Sa niining mga kasuha, 276 ka indibidwal sa 20 ka komunidad ug 24 ka pamilya ang nahimong biktima sa 61 ka insidente sa kabangis militar.
"Naglumbaanay sa pagsabwag og kahasi ang 13 ka batalyon (16th IB, 68th IB, 34th Special Forces Company [SFC], 18th Scout Rangers Company [SRC], 2nd SRC, 6th SFC, 32nd ug 33rd Special Action Force [SAF] Coy sa 3rd Regional SAF Bn) sa AFP ug PNP nga nanagsangkad sa 10 ka prubinsya sa rehiyon," matud sa tigpam�b�. Gikamatay na kini sa daghang sibilyan nga gikatahapang membro o tigsuporta sa Bagong Hukbong Bayan (BHB) ug mga manggugubat sa BHB nga hors de combat (nawad-an na sa katakus nga musukol). Kini usab ang mipatay sa kanhing dinakpan sa gubat nga si PCI Abelardo Martin nga natakda nang palayaun ug usa pa nga wala nay lumoy nga pulis sa San Pablo City.
Dugang pa kaniya, ang paspas nga pagdeploy niadtong Abril sa Mindoro Oriental og kapin napulo ka kumpanya, nga tanan gibunlut gikan sa nagkalain-laing dapit sa nasud, mauy nagpakita'g kasuko sa Gubyerno sa Republika sa Pilipinas (GRP) diha sa katawhan sa Mindoro Oriental nga nagpakita og pagsuporta ug kahimatngon kalambigit sa gipahigayon nga pagpalaya sa BHB sa dinakpan sa gubat nga si Maj. Noel S. Buan niadtong Abril 6, 2001.
"Naulawan og maayo ug dili madawat sa mga militarista ug terorista sa GRP nga adunay katakus ang Melito Glor Command nga, sulud sa 22 ka bulan, maayo, matugtanon ug makatawong naatiman ang usa ka dinakpan sa gubat nga anaa sa kategorya ni Buan," matud ni Ka Roger.
Pipila lamang sa mga pinakaulahing kaso sa mga berdugo ang pag-aresto, pagtortyur ug pinugsanay'ng pagpagiya sa upat ka Mangyan niadtong Setyembre 27, iligal nga pag-aresto sa duha ka kababayen-an niadtong Setyembre 30, pagdakup ug pagkahanaw sa duha ka gikatahapang membro sa BHB niadtong Setyembre 7 ug pagpanagmal ug pagpanghasi sa usa pa ka sibilyang mibalibad nga magpagawong na lamang sa mga sundalo niadtong Agosto.
Gimakmak sa tigpam�b� ang tudu-tudung pag-endorso ug pagsuporta ni Macapagal-Arroyo "sa iyahang mga terorista ug mersenaryong sundalo" luyo sa gipasigarbo niining "all-out peace" o larga-tudung kalinaw. Matud pa niya, "Napamatud-an sa nahitabong makaylapong militarismo ug paglapas sa tawhanong katungud nga ang tinuud nga mga terorista sa katawhang Pilipino mao ang reaksyunaryo ug mersenaryong AFP ug PNP � (ug) commander-in-chief � ang pangulong itoy nga si � Macapagal-Arroyo."
Gipanghimaraut usab ni Ka Roger ang hingpit nga suportang gihatag ni Macapagal-Arroyo sa terorismo sa imperyalistang US: "Ang United States of America mao ang nag-unang terorista sa ang-ang ug linangkuban sa mga gipanggupuk ug gipanggun-ub niini sukad pa niadtong ika-19 nga siglo ug hangtud karon."
Matud pa ni Ka Roger, samtang misamut ug milalum ang nasudnon ug pangkalibutang krisis, ang rebolusyonaryong kalihukang masa mauy magpaasdang og anti-imperyalista ug sosyalistang katuyuan. Panapos pa niya, "Ang rebolusyonaryong kalihukan nga gipanguluhan sa Partido padayon nga musukol sa unsamang dagway sa terorismo ug bisan asa pa man kining ispidnuha maggikan."###
Reference:
Anne Buenaventura
Media Officer
Cellphone Number: +63910-240-3553
Back to top
| 