|
PRESS RELEASE
Information Bureau
Communist Party of the Philippines
TERORISMO TI AFP KEN PNP NI GMA, KUMARKARO ITI SOUTHERN TAGALOG - KA ROGER
October 18, 2001
Nadagsen a kinondena ti Partido Komunista ti Pilipinas, babaen ti tagapagsarita daytoy a ni Gregorio "Ka Roger" Rosal, ti agtultuloy ken kumarkaro a terorismo ti mersenaryo nga Armed Forces of the Philippines ni Gloria Macapagal-Arroyo iti Southern Tagalog.
Dumanonen iti 93 kaso dagiti pananglabsing iti karbengan kas tao a napasamak iti rehiyon idi Setyembre 15. Kadagitoy a kaso, 276 indibidwal iti 20 komunidad ken 24 pamilya ti nagbalin a biktima iti 61 insidente ti ranggas militar.
"Nagkokontes iti panangisaknap ti ranggas ti 13 batalyon (16th IB, 68th IB, 34th Special Forces Company (SFC), 18th Scout Rangers Company (SRC), 2nd SRC, 6th SFC, 32nd at 33rd Special Action Force (SAF) Coy ti 3rd Regional SAF Bn) ti AFP ken PNP ti nakawaras iti 10 probinsya ti rehiyon," imbaga ni Ka Roger. Napapatay ti adu a sibilyan a masuspetsa a myembro wenno tagasuporta ti Baro a Buyot ti Umili (NPA) ken dagiti mannakigubat nga NPA nga hors d'combat (naawanan ti kabaelan a lumaban kas iti nasugatan). Daytoy met ti nangpatay iti dati a balud ti gubat ken naikeddeng a mawayaan a ni PCI Abelardo Martin ken maysa pay nga awanan kalaban-laban a pulis iti San Pablo City.
Innayon na pay, ti napardas a pannakadeploy idiay Mindoro Oriental idi Abril ti nasurok sangapulo a kumpanya, nga amin ket naala manipud iti nadumaduma a paset ti pagilian, ket panangipakita ti pungtot ti Gubyerno ti Republika ti Pilipinas (GRP) iti umili ti Mindoro Oriental a nangipakita ti panagsuporta ken kamulatan mainaig iti napasamak a panangwayawaya ti NPA iti POW a ni Major Noel S. Buan idi Abril 6, 2001.
"Napabainan a pirmi ken saan a maakseptar dagiti militarista ken terorista iti GRP nga addaan kabaelan ti Melito Glor Command nga iti uneg ti 22 bulan, ket nasayaat, nalaing ken makatao a naaywanan ti maysa a POW iti kategorya ni Buan," innayon ni Ka Roger.
Sumagmamano laeng iti kaudian a kaso dagiti berdugo ti panagaresto, panangdanran ken inkapilitan a panangpagiya iti uppat a Mangyan idi Setyembre 27, iligal a panagaresto iti dua a babbai idi Setyembre 30, panagtiliw ken panagpukaw iti dua a masuspetsa a miyembro ti NPA idi Setyembre 7 ken panangdangran ken pammutbuteng iti maysa pay a sibilyan a nagkitakit a sumurot kadagiti soldado idi Agosto.
Sinupiat ti tagapagsarita ti todo-todo a panagindorso ken panagsuporta ni Macapagal-Arroyo "iti terorista ken mersenaryo a soldado na" iti bangir ti panangilastog daytoy nga "all-out peace". Kunana, "Paneknekan ti mapaspasamak a nasaknap a militarismo ken pananglabsing iti karbengan kas tao a ti pudno a terorista ti umili a Pilipino ket ti reaksyunaryo ken mersenaryo nga AFP ken PNP � ken commander-in-chief � ti dadaulo nga aso-aso a ni Macapagal-Arroyo.
Kinondena met ni Ka Roger ti todo-suporta nga it-ited ni Macapagal-Arroyo iti terorismo ti imperyalista nga US: "Ti United States of America ti kangrunaan a terorista iti tukad ken saklaw ti daddadaelen ken dangdangran daytoy manipud pay idi maika-19 siglo inggana iti agdama."
Kuna ni Ka Roger a bayat a kumarkaro ken umun-uneg ti krisis a sangapagilian ken sangalubongan, iyabante ti rebolusyonaryo a tignayan masa ti anti-imperyalista ken sosyalista a gandat. Kas pangleppas kinuna na, "Ti rebolusyonaryo a tignayan nga idadauluan ti Partido ket agtultuloy a manglaban iti aniaman a porma ti terorismo sadinno man a bunggoy ti pagtaudan na.###
Reference:
Anne Buenaventura
Media Officer
Cellphone Number: +63910-240-3553
Back to top
| 