Mapulang pagsaludo sa mabayanihong paghalad sa kinabuhi
Maria Malaya
Tigpamaba
NDF-Amihanan Sidlakang Mindanao
(Northeastern Mindanao)
Hunyo 21, 2004  Mapulang pagsaludo sa mabayanihong paghalad sa kinabuhi ni Ka Geril Manggubat o Ka Binoy, spokesperson sa Pulang Diwata Command-BHB ug ni Ka Johnny atol sa usa ka malampuson nga pagraid sa PNP station sa Bayugan, Agusan del Sur, niadtong Hunyo 19, 2004 sa may alas dos sa kahaponon.
Nakumpiska sa Red Alimaong Platoon ang 7 ka armalite ug 5 ka M14 ug mga bala. Duha ka personnel sa PNP ang napatay sa maong panghitabo. Sa pikas nga bahin nakuha sa kaaway gikan sa mga namatay nga Pulang Manggugubat sa BHB ang tulo ka tag-as nga pusil sa dihang naapsan sila sa reinforcement. Malampuson ang maong pagsulong sa PNP station ug nakadugang kini sa arsenal sa Bagong Hukbong Bayan, taliwala sa pagkasubo ug pagkaanugon sa pagkahanaw sa usa ka batan-ong kadre-militar ug usa ka Pulang Manggugubat. Ang pagkahanaw ni Ka Geril ug Ka Johnny wala makahugno sa mga Pulang Kumander ug Pulang Manggugubat apan nahimo kining hagit alang sa pagpasubsob pa sa mga aksyong militar, samtang kanunay kining mangandam sa kontra atake sa AFP, PNP, ug mga paramilitar.
Ang patay'ng lawas ni Ka Geril o Ka Binoy ug Ka Johnny gihaya sa Bollozos Funeral Home, Butuan City aron mahatagan og higayon ang mga kaparyentehan, mga kaila ug kahigalaan sa paghatag sa ilang pagpasidungog sa mipanaw nga mga rebolusyonaryong martir.
Gihangyo ang mga intelligence, mga pwersa sa AFP, PNP ug paramilitar nga hatagan nila og kahigayonan nga mahimong malinawon ang paglamay kang Ka Geril ug Ka Johnny.
Ang tibuok pwersa sa Red Alimaong Platoon ug tanan mga gerilyang yunit ubos sa Pulang Diwata Command-BHB ug tanang rebolusyonaryong pwersa sa Amihanan Sidlakang Mindanao nagasaludo ug nagapasidungog sa mga natampo ni Ka Geril ug Ka Johnny, ug sa makausa pa nanumpa kini nga pursigidong ipadayon ang mga tahas nga ilang nasugdan ug ipalambo pa sa mas taas nga ang-ang.
Saluduhan ang mga rebolusyonaryong martir!
Pinirmahan,
Ka Maria Malaya
Spokesperson
Hunyo 21, 2004
Back to top
| 