Kwarta, Pwersa, Pangdaya- Grand strategy sg mga Arroyo sa Paghari sa Negros w/ the 5th District as Center of Gravity

Frank Fernandez
Spokesperson
NDF - Negros
Mayo 04, 2004

Todo larga na ang implementasyon sg kwarta, pwersa, pagpangdaya- grand strategy sg mga Arroyo sa paghari sa Negros w/ the 5th District as center of gravity. Ini nga grand strategy dugay na nadisenyo sg mga Arroyo upod kay Tony Gatuslao. Sa subong ang hayag nga chief operator sini amo si Iggy Arroyo nga gina-asisteran ni Tony Gatuslao.

Ang pagbuhin ni Gov. Maranon sa kampo Arroyo nagtulod sa mga Arroyo sa paggamit sa ila gahum agud masiguro ang kadalag-an ni Pres. Arroyo kag Iggy Arroyo. Ila gin-nyutralisa si Eduardo Cojuangco Jr. paagi sa pagpabilin sini bilang Chairman of the Board sg San Miguel Corp. Samtang ang mga upang sg mga Arroyo para sa ila paghari sa Negros amo sila Gov. Maranon sa probinsya, Cong. Jun Lozada sa 5th District kag mga progresibong party-lists. Gani gina-konsentrahan sg mga Arroyo ang pag-isolate kay Gob. Maranon kag Cong. Jun Lozada agud pahuyangon kag wasakon politically, economically kag posible physically. Ginabira man nila ang mga progresibong party-lists paagi sa paggamit sa RPA, militar kag PNP.

Ginkawat sg mga Arroyo ang pondo sg gobyerno agud gastuhon diri sa Negros sa panahon sg eleksyon. Ang gin-release sg Malacanang nga P1.2 B para sa mga favored contractors sg gov�t projects sa Negros, 40% ginbuhin para sa ila election campaign fund. Ginkolektahan man ni Iggy Arroyo sg P250 M ang tanan nga favored contractors. Si Iggy Arroyo mismo nagpa-in sg P100 M halin sa iya nga kita sa sugar smuggling operations. Gamiton ini nga kwarta para sa pagbakal sa loyalty sg mga kandidato kag pagbakal sg boto.

Paagi sa mando sg mga Arroyo, tatlo ka companies sg 12th IB gindeploy sa Negros. Ang duha ka companies sg 12th IB ideploy sa 5th District samtang ang isa ka company I-augment sa 11th IB kag 61st AB kag RPA para sa pagsiguro sg kadalag-an ni Pres. Arroyo kag Iggy Arroyo. Samtang si PNP Director Ponteras gulpi nga ginsaylo sg Malacanang bangud malapit kay Gob. Maranon, Si Col. Sodusta gin-promote bilang Brig. General, Si Col Bagasin nga loyal sa mga Arroyo, ginbulos kay Col. Fajardo sg 11th IB.

Naplano na sg 303rd Bde HQ kag PNP Directors sg Occidental kag Oriental ang paglunsar sg massive military operations halin sa Mayo 7-11 nga ang target amo ang ginatawag nila nga �areas of concern� agud mapunggan ang mga botante sa pagbotar. Kag kon indi makabotar ang mga botante, ang mga militar amo na ang magboto para sa wala maka-botar. Kag ang ini nga balota ideposito sa 200 Ballot Boxes nga gindala sa Malacaang. Ang kalabanan sg 200 ballot boxes gamiton sa 2nd District sg mga Maranon, 5th District ni Jun Lozada kag mga areas nga mabakod ang mga progresibong party-lists. Ang pagdakup kay Ian Evidente kabahin na sg ila tikang.

Si Ms. Marsha Cordero sg Comelec nagpanghinaw na nga wala siya makahibalo sa pagsulod sg 200 ballot boxes kag iya ginpakita ang iya pagka-inutil bahin sa mga violations nga ginkomiter sg RPA.

Nagabubo man sg kwarta ang mga Arroyo agud gub-on ang kredibilidad ni Gob. Maranon kag Cong. Lozada paagi sa paggamit sg media kag binayaran nga surveys.

Ginapanawagan ang tanan nga mga pumuluyo, mga progresibong party-lists, mga kontra-Arroyo nga partido kag mga kandidato nga ihanda ang kaugalingon sa pagpamatok sa kwarta, pwersa, pangdaya-grand strategy sg mga Arroyo antes kag durante Mayo 10 nga eleksyon.