Salabton sg Gobyernong Arroyo kag AFP/PNP ang Election Violations kg iban pa nga krimen sg RPA

Frank Fernandez
Spokesperson
NDF - Negros
Mayo 03, 2004

Ang gobyernong Arroyo, mga mataas nga upisyal sg AFP/PNP sg Headquarters lakip na si Brig. Gen. Sodusta sg 303rd Bde, Phil. Army, PNP Director Belarma kag COMELEC officials naga-into lamang sa ila kaugalingon paagi sa pagpakuno-kuno nga wala sila makahibalo ukon nagpabaya tuhoy sa mga violations sg RPA sa panahon sg eleksyon kag iban pa nga nakomiter nga mga krimen batuk sa mga pumuluyo pagkatapos sg pormal nga pag-surender sg RPA sg Dec. 10, 2000 paagi sa pag-sponsor ni Eduardo Cojuangco Jr.

Bangud wala mahatag ang P500 M nga ginpasalig sg gobyrenong Estrada kg gobyernong Arroyo para sa pagsurender kag livelighood projects sg RPA, gintolerar kag ginhipsan lamang sg GRP, AFP,PNP ang mga extortion activities, goons for hire operations may eleksyon man o wala, hold-up and robbery operations tulad sg pagpatay sg Santa Catalina Municipal employees, pagland-grab sg mga duta sg mangunguma, paghatag sg proteksyon sa Swiss rapist sg Dumaguete kag illegal logging operations nga ginkomiter sg RPA.

Ang pagka-inutil sg gobyernong Arroyo, AFP/PNP ila gintabun-tabunan paagi sa paggamit sg "peke nga peace talks aggreements" sg Dec 10, 2000 bilang rason nga halungan ang pagtratar kag hangpon ang RPA kay "basi magbalik sa bukid." Ang kamatuoran amo nga ang RPA isa na ka pormal nga para-military unit under operational control sg 303rd Bde Phil Army for counter-insurgency operations kag sg PNP for Police duties. Apang gusto gihapon paggwaon sg GRP kag AFP/PNP nga isa ka tuhay nga intidad ang RPA agud gamiton sa ila psywar operations para tiplangon ang pumuluyo nga sila "rebolusyonaryo." Indi man makagasto ang gobyerno sg budget para sa RPA bangud kontento man lang ang RPA sg ila mga kita halin sa illegal kag criminal money-making operations.

Samtang ginhipsan ukon ginhangup sg GRP kag AFP-PNP ang mga krimen sg RPA, ang nahimong tapalan kag naipit amo ang mga lokal nga upisyal sg PNP tulad sg chiefs of Police sg Talisay kag Himamaylan. Nahigtan ang ila mga kamot halin sa mando sg ila mataas nga mga upisyal sa pihak sg ila natipon nga mga ebidensya kag mga reklamo sg masa batok sa RPA.

Para sa palaabuton, ang RPA labi nga mangin daku nga problema nga atubangon sg pumuluyo. Sila mangin uncontrollable monsters. Nagakadapat bungkagon ang ini nga lisensyadong armed bandits paagi sa armado kag di-armado nga paghimakas. Ang tanan nga peace advocates tulad sg Peace Advocates of Negros (PAN) kag iban nga Peace organizations, mga simbahan, media, school authorities, kag iban nga sektor nagakinahanglan nga maghiliusa kag pamatukan ang RPA kag idemanda ang pagbungkag sa ila.