Saywar sa AFP ug Malakanyang, pangandam sa posibleng deklarasyon sa usa ka state of emergency

Gregorio "Ka Roger" Rosal
Spokesperson
Communist Party of the Philippines
Oktubre 03, 2002

Usa ka kampanyang saywar ang kasamtangang gihimo sa AFP, PNP ug nagkalain-laing ahensya sa gubyerno. Direktang gimaneho kini ni Defense Secretary Angelo Reyes ug mga bata-bata niyang militarista sulod sa rehimeng Macapagal-Arroyo.

Kabahin niining kampanyang saywar ang gipakaylap nga dakong kabuangan sa AFP, PNP, NBI ug Malakanyang nga adunay plano kuno ang BHB nga maglunsad og pagpangidnap, pagpangholdap ug pagpamomba sa LRT ug uban pang pangpublikong lugar sama sa mga shopping mall.

Partikular nga katuyoan niining kampanyang saywar ang:

1. pakuratan ug hadlukon ang katawhan

2. ihulagway�ng �terorista� ug �kriminal� ang BHB

3. hataga�g rason ang all-out war batok sa rebolusyonaryong kalihukan ug katawhan lakip ang paghatag og katarungan sa pagpatuman sa mas hugot nga mga lakang nga nagkontrol sa paglihok sa mga tawo nga maoy partikular nga napatik sa balaudnong Anti-Terrorism Law

4. andamon ang posibleng deklarasyon sa �state of emergency� nga mamahimong musangpot sa suspensyon sa writ of habeas corpus ug pagpahamtang og balaud militar

Aron himuong katuohan kining mga minugna-mugna nga �intelligence report,� anaa ang posibilidad nga himuon sa �Dirty Trick Department� ubos sa ISAFP (Intelligence Service of the AFP) ang pagtanom o kaha pagpabuto sa mga bomba sa nagkalain-laing dapit sa Metro Manila aron ipasangil dayon ang binuhatan ngadto sa BHB.

Buot namong pakalmahon ang katawhan ug ipanghimakak nga adunay bisan unsamang plano ang BHB nga maglunsad og mga ataki nga makasugamak sa mga inosenteng sibilyan. Sama sa gipakita sa BHB sa nangagi, ang mga gilunsad niining taktikal nga mga opensiba nakapunting lamang sa mga lehitimong target-militar lakip ang mga aktibong elemento sa AFP, PNP, CAFGU ug uban pang armadong grupo nga anaa ubos sa pagmando sa AFP.

Ingon man usab, among gipanghimakak ang kunohay�ng planong pagpangholdap ug kidnap-for-ransom. Tin-aw kaayo nga ang mga palisiya ug prinsipyo sa Partido, hugot nga nagdili sa ingon niining mga kriminal nga binuhatan.

Gihagit namo ang AFP ug PNP nga hunungon na ang pagtakuban sa mga minugna-mugna nilang �intelligence report.� Ipagawas nila ang giingon nilang mga �intelligence report.� Nasiguro ko nga mohagsa sila sa yanong paghikyad og mga kongkretong ebidensya ug katuohang impormasyon tungod kay kining tanan minugna-mugna lamang nila sa hunahuna.###

Back to top