Palagputon si Gloria Macapagal-Arroyo

Gregorio "Ka Roger" Rosal
Spokesperson
Communist Party of the Philippines
Agosto 28, 2003

Hingpit ang korapsyon, pagka-itoy ug pagka-militarista sa rehimeng Arroyo. Adunay dili mokubos sa 10 ka hinungdan kung nganong kinahanglang molihok ang katawhang Pilipino aron tapuson na ang rehimeng Arroyo:

1. ang direktang pagkalambigit sa magtiayong Arroyo sa dinagkong korapsyon ug ang kaylap nga korapsyon sa ilang mga bata-bata diha sa militar ug sibil nga burukrasya
2. ang pagpirma sa Mutual Logistics Support Agreement nga nagahatag og katungod sa militar sa US nga gamiton ang tibuok nasud isip usa ka dakong base militar
3. ang pagtugot sa mga Balikatan "war exercises" aron kahataga'g-dalan ang nagkagrabing interbensyong militar sa US sa Pilipinas
4. ang pagbasura sa panaghisgot-kalinaw ug paglaraw sa teroristang pagpamomba sa Davao ug uban pang bahin sa Pilipinas aron danihon ang interbensyong militar sa US
5. ang binuta nga pagsuporta sa gubat pagpanulong sa US batok sa Iraq nga lapas sa mga internasyonal nga sukdanan sa sibilisadong relasyon sa mga gawasnong nasud
6. ang paglunsad og larga-todong teroristang gubat nga nagaresulta sa kaylap nga militarisasyon ug mga paglapas sa tawhanong katungod sa kabanikanhan, ilabina sa Mindoro, Aurora, Nueva Ecija, Cagayan Valley, Compostela Valley ug uban pang dapit
7. ang padayon nga pagpatuman sa mga palisiya sa liberalisasyon sa ekonomiya nga gidiktar sa IMF-WB-WTO ug pagkaguba sa mga pwersa sa produksyon sa nasud ug sa panginabuhian sa naghagong masa
8. ang paghatag og dalan ug pag-endorso sa kaylap nga pagpangilog og yuta sama sa paghakop og yuta ni Eduardo "Danding " Cojuangco alang sa iyang halapad nga plantasyon sa balanghoy
9. ang pagdumili nga usbawan ang suholan sa mga mamumuo ug mga empleyado sa gobyerno
10. ang walay hunong nga pagpasaka sa presyo sa lana, paningil sa tubig ug kuryrente ug uban pa ug kapakyasan nga pugngan kini.

Sa kagrabihon sa pagkahimulag ni Arroyo sa katawhan ug sa kamangtas sa krisis nga gimugna sa mga makilangyaw, militarista ug dunot nga palisiya ug gawi niini, labaw karong nagkadako ang posibilidad nga mapalagpot si Arroyo pinaagi sa paglihok ug pag-alsa sa minilyon-milyong katawhan sama sa gihimong pagpalagpot kang Estrada niadtong 2001 ug kang Marcos niadtong 1986.

Bisan ang reaksyonaryong oposisyon nanawagan na usab sa pagparisayn kang Arroyo ug nagasuporta sa mga paglihok sa katawhan diha sa kadalanan para sa iyang pagpalagpot. Ingon usab, sa han-ay sa kasundalohan sa gobyerno, nagkakusog ang mga mulo batok sa papet, mapanumpuon ug dunot nga pangulohan sa militar ug gobyerno. Among gidani sila nga moduol ug mosuporta sa demokratikong kalihukang masa ug makigkoordina sa paglihok aron palagpoton ang rehimeng Arroyo.

Kalambigit niini, padayon nga pakusgon sa Bagong Hukbong Bayan ang paglunsad og mga armadong taktikal nga opensiba batok sa AFP ug mga armadong grupo sa estado subay sa panawagan sa Partido nga dugang i-asdang ang armadong rebolusyon sa tibuok nasud ug laparoho'g maayo ang rehimeng Arroyo. ###

Back to top