Ikkaten ni Gloria Macapagal-Arroyo

Gregorio "Ka Roger" Rosal
Spokesperson
Communist Party of the Philippines
Agosto 28, 2003

Ingga�t tulang ti korapsyon, kinaaso-aso ken kina-militarista ti rehimen nga Arroyo. Saan a kumurang iti 10 rason no apay a kasapulan nga agtignay ti umili a Pilipino tapno gibusan ti rehimen nga Arroyo:

1. ti direkta a pannakairaman ti agassawa nga Arroyo iti dadakkel a korapsyon, ken ti nasaknap a korapsyon dagiti tao da pareho iti militar ken burukrasya sibil
2. ti panagpirma iti Mutual Logistics Support Agreement a mangted ti karbengan iti militar ti US nga usaren ti intero a pagilian kas maysa a dakkel a base militar
3. ti panangipalubos kadagiti Balikatan "war exercises" tapno palubosan ti kumarkaro nga interbensyon militar ti US iti Pilipinas
4. ti panangibasura iti tungtongan iti kappia ken panangplano ti terorista a panagbomba iti Davao ken dadduma pay a paset ti Pilipinas tapno awisen ti interbensyon militar ti US
5. ti bulag a panagsuporta iti gerra nga agresyon ti US laban iti Iraq a maisupiat kadagiti internasyunal nga annuroten iti sibilisado a relasyon dagiti nawaya a pagilian
6. ti panangisayangkat ti terorista a todo-gerra a nagresulta iti nasaknap a militarisasyon ken kadagiti pananglabsing iti karbengan kas tao iti kaaw-awayan, aglalo iti Mindoro, Aurora, Nueva Ecija, Cagayan Valley, Compostela Valley ken dadduma pay a lugar
7. ti agtultuloy a panangipatungpal kadagiti patakaran a liberalisasyon ti ekonomya nga idikdiktar ti IMF-WB-WTO ken panangdadael kadagiti puersa iti produksyon ti pagilian ken kabiagan ti masa nga anak ling-et
8. ti panangipalubos ken panangindorso iti nasaknap a panaggamgam ti daga, kas iti panaggamgam ti daga ni Eduardo "Danding" Cojuangco para iti nakalawlawa a plantasyon ti kamoteng kahoy (cassava)
9. ti panagkedked nga ingato ti sueldo dagiti mangmangged ken dagiti empleyado ti gubyerno
10. ti awan sarday a panagngato ti presyo ti gasolina, singir iti danum, singir iti kuryente ken dadduma pay ken kina-inutil a lappedan daytoy.

Iti kinakaro ti pannakaisina ni Arroyo iti umili ken kinarungsot ti krisis a resulta dagiti maka-ganggannaet, militarista ken bulok a patakaran ken aramid na, lallalo a dumakdakkel ti posibilidad a mapatakias ni Arroyo itatta babaen iti panagtignay ken panagalsa ti milyun-milyon nga umili, kapada ti naaramid a panangpatakias kenni Estrada idi 2001 kasta met kenni Marcos idi 1986.

Uray dagiti reaksyunaryo nga oposisyon ket nagpanawagan metten iti panagresayn ni Arroyo ken sumupsuporta kadagiti panagtignay ti umili iti kalkalsada para iti panagtakias na. Kasta met nga iti intar dagiti soldado ti gubyerno ket pumigpigsa dagiti asug laban iti aso-aso, mananglipit ken bulok a liderato ti militar ken gubyerno. Aw-awisen mi ida nga umasideg ken sumuporta iti demokratiko a tignayan masa ken makikoordina iti panagtignay tapno parmeken ti rehimen nga Arroyo.

Mainaig ditoy, agtultuloy a pairtengen ti Baro a Buyot ti Umili ti panangisayangkat kadagiti armado a taktikal nga opensiba laban iti AFP ken kadagiti armado a grupo ti estado kas umannurot iti panawagan ti Partido a lallalo nga iyabante ti armado a rebolusyon iti intero a pagilian ken lallalo a padaraen ti rehimen nga Arroyo. ###

Back to top