"Oplan Tumba" --usa na liwat nga hinimo-himo han mga paraghimo hin saywar han papet nga rehimen Macapagal-Arroyo

Gregorio "Ka Roger" Rosal
Spokesperson
Communist Party of the Philippines
Nobyembre 12, 2002

An tuyaw nga gubyerno nga papet ni Macapagal-Arroyo ngan mga paraghimo hin saywar han terorista ngan mersenaryo nga AFP ngan PNP diri nauubosan han ira mga pantastiko nga pambubuwa ngan pag-inimbento hin inop para la ha lurong ngan desperado nira nga katuyuanan ngan hibangon ngan iladawan nga giraraoti han CPP-NPA-NDFP ngan hadlukon an katawhan.

Mayda ginpapagawas yana an barkadahan nga Angelo Reyes, Roilo Golez ngan Gen. Hermogenes Ebdane nga gihilalabai nga talaan han kuno mga lilinison han NPA. Ginpangunahan kuno ini nga talaan han mag-asawa nga Gloria Macapagal ngan Mike Arroyo ngan kasunod an pira pa nga mga prominente nga pulitiko, upisyal han gubyerno, kaupod an mga myembro han kabinete, pira nga senador ngan kongresista.

Nagtitigo-tigo ha partikular an tagdumara ha saywar han Malakanyang -- hi Rigoberto Tiglao -- nga karuyag liwat patuoron an mga amo niya ngan an kalugaringon nga gieepektibohi an waray data nga pagpakaraot ngan gimmick niya. Gin-imbento ngan ginpasamwak niya an estorya nga lilinison na liwat hiya han mga anay niya kaupod nga gintatraydoran niya. Pati kuno an mga kaupod namon nga mag-aaplay hin amnesty in kuno lilinison liwat han NPA.

Ini kuno nga mga paglilinis in igpapatuman ha usa nga inimbento ngan ginngaranan nira nga "Operation Tumba".

Ini nga tanan in mga pambubuwa. Karuyag la nira nga iladawan an NPA nga nagpatakas na la hin panmatay para matagan-rason an ginpipirit nira ngan han US nga pagngaranan nga terorista an Partido ngan NPA.

Kun tinuod kunta nga terorista an NPA gintirok na kunta an mga nangunguna nga kawatan ha gubyerno, ginhigtan hin usa nga tonelada nga pulbora ngan segundo la napara na ha kalibutan ini nga mga tikasan. Damo seguro an magselebrar labina an mga nagpipinakiana ha rebolusyonaryo nga kagiusan kun kay ano nga ginbubuhi pa an sugad nga klase nga mga tawo ha gubyerno.

Pero diri gud ito poyde nga himuon han Partido, han BHB ngan NDFP. Kabaliskaran ini ha mga prinsipyo, mga balaud ngan mga pagsurundon nga ginsusunod han rebolusyonaryo nga kagiusan.

Bisan nga armado nga pakigbisog an prinsipal nga porma han pakigbisog nga ginlansar han rebolusyonaryo nga kagiusan, an ibabagsak in diri pa an aktwal nga lawas han mga naghahadi nga klase kundi an kanra pampulitika ngan pan-ekonomya nga poder. Gawas ini ha pipira nga mayda bug-at nga utang nga dugo ha rebolusyonaryo nga kagiusan ngan katawhan-ngan kinahanglan nga papagbaydon pagkatapos an usa nga makurimot, patas ngan makatadungan nga proseso hin pagbibista han husgado han katawhan.

Ha kabug-osan, kinahanglan nga tanggalon la an kundisyon agud an mga naghahadi nga klase in padayon nga epektibo nga makapaghadi ngan makakapaniyupi ha katawhan. Ha pareho nga panahon, samtang nakakagios pa an reaksyunaryo nga poder pampulitika ngan pan-estado han mga naghahadi nga klase, aktibo nga magdepensa ngan maglansar hin rebolusyonaryo nga kontra-atake an rebolusyonaryo nga kagiusan kontra ha kontra-rebolusyonaryo nga atake. ###

Back to top