Mapakyas ang bag-ong laraw nga amnestiya sa itoy nga gobernong Arroyo

Gregorio "Ka Roger" Rosal
Spokesperson
Communist Party of the Philippines
Nobyembre 05, 2002

Nakabsan na og hangin ang hambogero kaayong itoy nga gobernong Macapagal-Arroyo kung unsaon pildihon ang nagakakusog nga rebolusyong Pilipino nga gipangulohan sa Partido Komunista sa Pilipinas. Nagsaulog sila sa gituuhan nilang kadaugan sa ilang kampanya nga ilakip sa European Union ang NPA ug si Kaubang Jose Ma. Sison sa talaan sa mga terorista. Apan nakita nila nga dili kini nakapatukmod sa NDFP nga mangalyupo sa "surrender talks" nga gitanyag sa goberno. Karon, mipaling usab ang itoy nga rehimen sa giagup-upan na kaayo ug wala na sa urog nga pamaagi sa pagpanglinla-ang pagtanyag og amnestiya alang sa mga nagkupot og armas batok sa itoy nga reaksyonaryong goberno.

An pagtanyag og amnestiya, kabahin lamang sa tinagurhaay'ng taktika sa reaksyonaryo ug itoy nga goberno batok sa mga pwersang rebolusyonaryo. Ang nag-unang taktika mao ang paggamit og kabangis-militar aron pukanon ang armadong rebolusyon. Apan sanglit kay walay itugbang nga pamaagi ang reaksyonaryong goberno aron sumpuon ang malungtarong gubat sa NPA, kanunay'ng kakuyog sa kontra-rebolusyonaryong gubat sa goberno ang paggamit og nagkalain-laing dagway sa saywar ug pagpanglinla.

Apan tungod lagi kay kining tanan pagpanglinla ug kabakakan lamang, natural nga walay mahinungdanong epekto kini sa kahukmanan sa mga rebolusyonaryo ug bisan sa pagtuo sa katawhan. Nasayod ang katawhan nga naabot na sa rebolusyonaryong paglihuk sa nangaging kapin tulo ka dekada, nga sukwahi sa pagpanglinla sa goberno ug militar, ang rebolusyonaryong kalihukang gipangulohan sa CPP-NPA-NDFP gikalakipan sa mga tinuod nga rebolusyonaryo nga hingpit ug tibuok-panahon nga nakigbatok alang sa kabulahanan, katungod ug kaugmaon sa katawhang Pilipino.

Sukwahi sa gipasigarbo sa mga tigpam�b� sa itoy, reaksyonaryo ug nagakadugta nga goberno ug sa mersenaryong militar niini, ang kadaghanan sa mga membro sa Partido, Pulang manggugubat sa BHB ug aktibista adunay taas nga kahimatngon sa tinuod nga kahimtang sa atong nasud, sa tinubdan sa kasamtangang mga suliran ug kadunot sa kasamtangang sistema ug labaw sa tanan, matngon kung unsa ang bugtong kasulbaran niining kadunot. Ug kana walay lain kundili ang paglunsad og armadong pakigbisog hangtud nga dayon nang malumpag ang kasamtangang nagtunhay nga malupigon ug mapahimuslanong sistema ug mapulihan sa bag-ong kahusay nga adunay tinuod nga kagawasan ug demokrasya ug migarantiya sa usa ka gawasnon, malinaw, makatarunganon ug mausbawon nga sistemang katilingbanon.

Kini nga kahiamgohan gibaton sa matag kadre ug membro sa rebolusyonaryong kalihukan nagsugod sa mga pangulo hangtud sa masang ginsakpan. Gisiguro sa Partido nga ang tibuok ginsakpan konsolidado sa ideolohiya, politika ug organisasyon ilabina gyud matapos nagmadaugong gi-asdang ang Ikaduhang Bantugang Kalihukang Pagtul-id. Kini usab ang hinungdan kung ngano walay unsamang kontra-rebolusyonaryong kampanya sa nagpuli-puling mga itoy nga rehimen ang nakasumpo sa pakigbisog nga gipangulohan sa CPP-NPA-NDFP. Mao usab ang hinungdan kung ngano sigurong mapakyas ang unsamang kontra-rebolusyonaryong kampanyang militar ug kampanyang saywar sa reaksyonaryo, tumang kaitoy ug dunot sa kinauyokan nga gobernong Macapagal-Arroyo.

Ang mga komunista ug rebolusyonaryong Pilipino giyubit ug giyaga-yagaan na'g maayo sa mga utok-bolinaw nga militarista sama nila Angelo Reyes ug Roilo Golez ug sa mga traydor sa Partido Komunista ug rebolusyonaryong kalihukan sama nila Blas Ople ug Rigoberto Tiglao. Sanglit kay nakapahimulos ug nagpakatagbaw sa tag-as nga mga katungdanan sa goberno ug hingpit nga nahimulag sila sa tinud-anay'ng kahimtang sa katawhan, sayon ra kaayo kanila nga maglubid na lamang og bunbon aron hatagan lamang og kalipay ang gipakadiyos nila nga US ug nag-unang itoy niining si Gloria Macapagal-Arroyo.

Sama usab sa pagtanyag sa walay pulos nga back channeling talks aron binuangan ug iwahing ang pormal nga hisgutanang kalinaw ug mga gikahiusahan nang kasabutan sa miagi, usa na usab nga kabuang ang bag-ong gitanyag nga amnestiya alang sa mga rebolusyonaryo ug komunista. Ilhon lamang kini sa mga rebolusyonaryo nga walay lain kundili usa ka pagpanglinla ug laang sa tanang nahimatngon ug nakigbatok. Ilhon lamang kini nga pagsulay sa rehimen isip pamuli sa mga tinud-anay'ng kasulbaran sa mga pundamental nga suliran sa nasud ug katawhan.

Sama sa tanang nangaging tanyag nga amnestiya, dili ug dili magmadaugon ang bag-ong tanyag nga amnestiya. Wala tukba sa nagakadaghang rebolusyonaryo ug komunista ang mga tanyag nga amnestiya sa nangagi ug wala bakli-a niini ang lig-ong kahukmanan sa mga lider ug membro sa rebolusyonaryong kalihukan nga maninguha ug padayon nga ipakig-asdang ang mga pundamental ug tinuod nga mga katilingbanong pagbag-o. Labaw nga langawon ang bag-o na usab nga laraw'ng amnestiya. Makita sa rehimeng Arroyo, kung unsa kabug-at lamparuson sa dugang nakonsolida ug nagakakusog nga CPP-NPA-NPA ug tibuok rebolusyonaryong kalihukan niining bag-ong laraw'ng amnestiya. Inay nga tagdon pa, unluron lamang kini sa nagbul-og nga pakig-asdang sa mga demokratiko ug patriyotikong pwersa sa katawhan ug sa mga opensibang ilunsad sa hukbo sa katawhan sa halapad nga kabanikanhan.

Back to top