Sila Kaubang Abling, Kaubang Daniel ug Kaubang Nards mga banggiitang martir ug bayani sa rebolusyon

Gregorio "Ka Roger" Rosal
Spokesperson
Communist Party of the Philippines
Oktubre 16, 2002

Kusganon namong gisumpaki ang dako kaayong kabakakan ug pagpanglingla na usab sa pakyas ug berdugo nga si Col. Palparan nga ang tulo ka mga minatay nga gikalot nila sa Mindoro, mga biktima sa �pinurgahay� sa rebolusyonaryong kalihukan.

Sila Ka Abling, Ka Daniel ug Ka Nards mga martir sa rebolusyon. Si Ka Abling, usa ka maisog nga Pulang kumander ug sila Ka Daniel ug Ka Nards mga panag-ingnan nga Pulang manggugubat sa Bagong Hukbong Bayan (BHB) nga naghalad sa ilahang kinabuhi alang sa kabulahanan ug kaugmaon sa katawhang Pilipino.

Kining tulo ka mga bayani ug martir nabakwia�g kinabuhi sa usa ka nagmadaugong ambus sa BHB niadtong Hulyo 4, 2000 sa Baryo Antonino, Victoria, Oriental Mindoro. Ang mga minahal nga kaubang namatay sa naingong panagsangka gipasidunggan sa mga kauban ug diha-diha nang gilubong sa naingong lugar taliwala sa pig-ot nga kahimtang nga adunay pursuit operation ang mga terorista ug mersenaryong sundalo sa reaksyunaryong gubyerno. Ang ilang kabayanihan gipadangat sa ilang matag pamilya ug minahal sa kinabuhi.

Sila Kaubang Abling, Kaubang Nards ug Kaubang Daniel, mga banggiitang komunista ug rebolusyonaryo nga walay pagduhaduhang naghalad sa ilang kinabuhi alang sa katawhan ug sa ilang rebolusyon nga gipangulohan sa bantugang Partido Komunista sa Pilipinas. Sila mga panag-ingnan nga kumander ug manggugubat sa Lucio de Guzman Command ug Melito Glor Command.

Apan ang ilang mga patay�ng lawas, gitampalas, giyatakan ug gipasipad-an sa mga mersenaryo ug teroristang suluguon ni Macapagal-Arroyo sa pagpanguna sa palyado nga berdugong si Col. Palparan. Ang gipagula ni Palparan nga sila mga biktima sa �pinurgahay� sulod sa rebolusyonaryong kalihukan, dako kaayo nga pagpanamastamas agi�g paghinumdum kanila.

Sanglit kay kining si Palparan, napamatud-ang dako kaayong palyar sa �counter-insurgency� sa Mindoro Oriental ug Southern Tagalog. Wala siya�y laing kamauhan kundili ang mupatay sa mga walay ikasukol nga mga sibilyan ug mga lumad nga Mangyan ug matapos ipagula nga mga NPA o tigsuportar sa NPA; o kaha magpakalot og mga minatay bisan na sa mga pangpublikong menteryo aron ipagula nga biktima kini sa �pinurgahay� sulod sa rebolusyonaryong kalihukan sama sa buot nilang ipagawas sa mga patay�ng lawas nila Kaubang Abling, Kaubang Nards ug Kaubang Daniel.

Kabahin kini sa kaylap nga kampanyang saywar sa utok-pulbura ug pangulong itoy nga si Macapagal-Arroyo ug sa iyang mersenaryo ug mga tinuod nga teroristang AFP ug PNP sa desperasyon nga ihulagway�ng dautan kaayo ang CPP-NPA-NDFP. Nabuang na ang mga pasista kung unsaon pagdaot ang dungog sa rebolusyonaryong kalihukan sa mata sa masa. Nagsulirap na sila og mga di na malalis nga kabakakan.

Depinido nga dili nila mapatuo ug malansis ang mabagang katawhan nga Pilipino. Nahibaloan sa mabagang masang mag-uuma sa tibuok nasud nga ang tulo ka dekadang pakigbisog sa rebolusyonaryong kalihukan mauy alang kanila; busa gisagup nila ug bug-os sa kasingkasing nga gi-agakay kining rebolusyon pinaagi sa direktang pagsalmut niini ug paghalad sa kinamaayohan nilang mga anak aron mahimong mga Pulang manggugubat sa Bagong Hukbong Bayan.

Back to top