Da kadua Abling, kadua Daniel ken kadua Nards ket naindaklan a martir ken bannuar ti rebolusyon

Gregorio "Ka Roger" Rosal
Spokesperson
Communist Party of the Philippines
Oktubre 16, 2002

Nadagsen a supiaten mi ti nakadakdakkel a kinaulbod ken panangallilaw manen ti palpak ken berdugo a ni Col. Palparan a ti tallo a bangkay a nakali da idiay Mindoro ket biktima ti �purga� ti rebolusyonaryo a tignayan.

Da Ka Abling, Ka Daniel ken Ka Nards ket martir ti rebolusyon. Ni Ka Abling ket maysa a nakired a nalabaga a kumander ken da Ka Daniel ken Ka Nards ket modelo a nalabaga a mannakigubat ti Baro a Buyot ti Umili (NPA) a nangibuwis ti biag da para iti pagimbagan ken masakbayan ti umili a Pilipino.

Dagitoy tallo a bannuar ken martir ket natay iti maysa a balligi nga ambus ti NPA idi Hulyo 4, 2000 iti baryo Antonino, Victoria, Oriental Mindoro. Dagiti dungdungoen a kakadua a natay iti nasao a labanan ket inikkan ti parangal dagiti kakadua sakbay a daras a naitabon iti nasao a lugar iti tengnga ti nalipit a kasasaad nga adda pursuit operation dagiti terorista ken mersenaryo a soldado ti reaksyunaryo a gubyerno. Ti kinabannuar da ket naipadamag kadagiti pamilya ken ingunguten da iti biag.

Da Kadua Abling, Kadua Nards ken Kadua Daniel ket naindaklan a komunista ken rebolusyonaryo a saan a nagkedked a mangidaton ti biag da para iti umili ken iti rebolusyon nga idadauluan ti natibker a Partido Komunista ti Pilipinas. Isuda ket dagiti pagwadan a kumander ken mannakigubat ti Lucio de Guzman Command ken Melito Glor Command.

Ngem dagiti bangkay da ket inrurumen, di renespeto ken inumsi dagiti mersenaryo ken terorista a babaonen ni Macapagal-Arroyo iti panangidaulo ti palpak a berdugo a ni Col. Palparan. Ti iparparang ni Palparan nga isuda ket biktima ti �purga� iti uneg ti rebolusyon ket nagdakkel a panangiluges iti memorya da.

Ni Palparan ngamin ket madukduktalanen a nakadakdakkel a palpak iti �counter-insurgency� iti Mindoro Oriental ken Southern Tagalog. Awan sabali nga ammo na nga aramiden no di ti mangpapatay kadagiti awanan-laban a sibilyan ken dagiti katutubo a Mangyan ken kalpasanna ket paruaren a dagitoy ket NPA wenno tagasuporta ti NPA; wenno mangpakali kadagiti bangkay uray iti pampubliko a sementeryo tapno iparang a biktima dagitoy ti �purga� iti uneg ti rebolusyonaryo a tignayan kas iti kayat da a paruaren kadagiti bangkay da Ka Abling, Ka Nards ken Ka Daniel.

Paset daytoy ti nasaknap a kampanya a saywar ti utek-pulbura ken hepe nga aso-aso a ni Macapagal-Arroyo ken ti mersenaryo na ken dagiti pudno a terorista nga AFP ken PNP iti desperasyon nga ipinta a dakes ti CPP-NPA-NDFP. Agtiwelen dagiti pasista no kasano da a padaksen iti mata ti masa ti rebolusyonaryo a tignayan. Agab-abel da kadagiti nakalawlawag a kinaulbod.

Saan da a talaga a mapapati ken maallilaw ti sapasap nga umili a Pilipino. Ammo ti sapasap a masa a mannalon iti intero a pagilian a ti tallo a dekada a pannakidangadang ti rebolusyonaryo a tignayan ket para kadakuada, isu nga ar-arakupen ken sipupuso a tagtagikuaen da daytoy a rebolusyon babaen iti direkta a pannakitipon ditoy ken panangidaton ti kalalaingan nga annak da tapno agbalin a nalabaga a mannakigubat ti Baro a Buyot ti Umili.###