Mahitungod sa pagpamomba sa Bali
Gregorio "Ka Roger" Rosal Spokesperson Communist Party of the Philippines
Oktubre 14, 2002
Ang pagpabuto og kusog nga bomba sa Bali island nga nagresulta sa pagkamatay sa hapit 200 ka tawo, usa ka makasisilag nga binuhatan nga hingpit nga gipanghimaraot sa Partido Komunista sa Pilipinas.
Gipadangat sa PKP ang bug-os sa kasingkasing nga pagbangutan niini sa mga biktima niining mangilngig nga krimen.
Apan labaw niining pagpamomba sa Bali, ang mas dako nga trahedya nga mamahimong muabot sa katawhang Indones mao ang paggamit niini isip rason aron hataga�g katarungan ang dugay nang tinguha sa imperyalismong US nga dugang nga interbensyon sa Indonesia.
Dugay nang tinguha sa US nga pasudlon ang mga tropa niini sa Indonesia. Apan wala kini basta gitugutan ni Pres. Megawati Sukarnoputri. Tungod niini, anaa sa Indonesia karon ang mga sikreto nga operatiba sa US nga nagita og pamaagi aron idestabilisa ang rehimeng Sukarnoputri aron mapugos kining buksan ang mga utlanan sa Indonesia ug himuon kining usa sa mga panukaranan sa �internasyunal nga gubat batok terorismo� sa imperyalismong US.
Buot sa US nga gamiton ang Southeast Asia isip panukaranan sa mga gubat agresyon niini sa Asia-Pacific. Gigamit niini karon ang �gubat batok terorismo� aron pakusgon ang pagpanginlabot niini sa Southeast Asia, partikular sa Indonesia, Malaysia ug Pilipinas.
Ang pagpabuto og bomba sa Bali, direkta man o dili, nagsilbi sa dautang tinguha sa imperyalismong US.
Nanawagan kami sa katawhang Indones nga panalipdan ang soberenya sa ilang nasud ug hingpit nga batukan ang plano sa US nga direktang manginlabot didto.
Back to top
|