Nahanungod sa pagpangbomba sa Bali

Gregorio "Ka Roger" Rosal
Spokesperson
Communist Party of the Philippines
Oktubre 14, 2002

Ang pagpalupok sang mabaskog nga bomba sa Bali Island nga nagresulta sa pagkapatay sang halos 200 tawo isa ka makangingil-ad nga buhat nga lubos ginakundenar sang Partido Komunista ng Pilipinas.

Ginapaaabot sang PKP ang hugot-sa-tagipusuon nga pagpakig-unong sini sa kalisod sa mga biktima sang makasiligni nga krimen nga ini.

Ugaling sobra pa sa pagpangbomba nga ini sa Bali, ang mas daku nga trahedya nga mahimo magaabot sa pumuluyong Indones amo ang paggamit diri bilang tapalan agud hatagan-rason ang madugay nga tuyo sang imperyalismong US nga dugang pagpasilabot sa Indonesia.

Madugay na nga gusto sang US nga pasudlon ang mga tropa sini sa Indonesia. Ugaling wala ini basta-basta ginatugutan ni Pres. Megawati Sukarnoputri. Bangud diri, may pila ka bulan na nga sa Indonesia ang mga sikretong operatiba sang US nga naga-usoy sang pamaagi agud idestabilisa ang rehimen Sukarnoputri kag mapwersa ini nga buksan ang mga dulunan sang Indonesia kag himuon ini nga isa sa mga lunsaran sang internasyunal nga teroristang gera sang imperyalismong US.

Tuyo sang US nga gamiton ang Southeast Asia bilang lunsaran sang mga gerang agresyon sini sa Asia-Pacific. Ginagamit sini subong ang �gerang kontra-terorismo� agud pasingkion ang iya pagpasilabot labi na sa Indonesia, Malaysia kag Pilipinas.

Ang pagpangbomba sa Bali, direkta man ukon indi, ang nagserbi sa malaut nga tinutuyo sang imperyalismong US.

Nagapanawagan kami sa pumuluyong Indones nga pangapinan ang soberanya sang ila pungsod kag ubos-kusog nga pamatukan ang tinutuyo sang US nga direktang magpasilabot didto.###