Panggep iti panagbomba idiay Bali
Gregorio "Ka Roger" Rosal Spokesperson Communist Party of the Philippines
Oktubre 14, 2002
Nadagsen a konkondenaren ti Partido Komunista ti Pilipinas ti panangpabettak ti napigsa a bomba iti Bali Island a nagresulta iti pannakatay ti agarup 200 katao, a maysa a nakadangdangkok nga aramid.
Iyawat ti PKP ti naimpusoan a pannakipagladingit na kadagiti biktima ti narungsot a krimen.
Uray no kasta, nakarkaro ngem daytoy a panagbomba iti Bali, ti dakdakkel a trahedya a mabalin a dumteng iti umili nga Indones ket ti pannakausar daytoy kas rason tapno ikalintegan ti nabayagen a gandat ti imperyalismo nga US a naun-uneg a makibiang iti Indonesia.
Nabayagen a panggep ti US nga ideploy dagiti tropa na iti Indonesia. Ngem saan a nalaka nga impalubos ni Pres. Megawati Sukarnoputri daytoy. Gapu ditoy, sumagmamano a bulanen nga adda iti Indonesia dagiti limed nga operatiba ti US nga agbirbirok ti wagas tapno idestabilisa ti rehimen a Sukarnoputri tapno puersaen a luktan dagiti beddeng ti Indonesia ken aramiden a maysa kadagiti pagrubbuatan ti internasyunal a terorista a gerra ti imperyalismo nga US.
Gandat ti US nga usaren ti Southeast Asia kas pagrubbuatan dagiti gubat nga agresyon na iti Asia-Pacific. Us-usaren na ti �gerra laban iti terorismo� iti agdama tapno pairtengen ti pannakibiang aglalo iti Indonesia, Malaysia ken Pilipinas.
Ti panangbomba idiay Bali, direkta man wenno saan, ket agserserbi iti nadangkok a panggep ti imperyalismo nga US.
Agpanawagan kami iti umili nga Indones a salakniban ti soberanya ti pagilian da ken napinget a labanan ti gandat ti US a direkta a makibiang ditoy.
Back to top
|