Hiunong ha pambobomba ha Bali

Gregorio "Ka Roger" Rosal
Spokesperson
Communist Party of the Philippines
Oktubre 14, 2002

An pagpabuto han makusog nga bomba ha Bali Island nga nagresulta ha pagkamatay han haros 200 tawo usa nga makarimadima nga akto nga hul-os nga ginkokondenar han Partido Komunista han Pilipinas.

Iginpaabot han PKP an hul-os kasingkasing nga pahasubo hini ha mga biktima hini nga makangingirhat nga krimen.

Pero labaw pa hini nga pambobomba ha Bali, an mas dako nga trahedya nga mahihimo nga umabot ha katawhan nga Indones amo an paggamit hini komo pasangil agud tagan-rason an maiha na nga karuyag han imperyalismo nga US nga dugang nga manginginlabot ha Indonesia.

Maiha na nga karuyag han US nga pasakbon an mga tropa hini ha Indonesia. Pero diri ini basta nga tutugotan ni Pres. Megawati Sukarnoputri. Tungod hini, may pira kabulan na nga nakada ha Indonesia an mga sikreto nga operatiba han US nga namimiling hin pamaagi agud idestabilisa an rehimen Sukarnoputri ngan mapirit ini nga abrehan an mga tubtoban han Indonesia ngan himuon ini nga usa ha mga lansaran han internasyunal nga terorista nga gerra han imperyalismo nga US.

Karuyag han US nga gamiton an Southeast Asia komo lansaran han mga gerra nga agresyon hini ha Asia-Pacific. Ginagamit hini yana an �gerra nga kontra-terorismo� agud padurohon an panginginlabot hini labina ha Indonesia, Malaysia ngan Pilipinas.

An pagpapabuto ha Bali, direkta man o diri, nagseserbe hini nga maitum nga larang han imperyalismo nga US.

Nananawagan kami ha katawhan Indones nga depensahan an soberanya han ira nasud ngan pursigido nga atuhan an larang han US nga direkta nga manginlabot didto.###

Back to top