Sikreto Nga Dossier, Kaparte Han Desperado Nga Kampanya Han Pagpakaraut Ha PKP Ngan BHB

Gregorio "Ka Roger" Rosal
Spokesperson
Communist Party of the Philippines
Oktubre 12, 2002

Ginkokondenar han Partido Komunista han Pilipinas an pagpapasamwak han gubyerno nga Macapagal-Arroyo han usa nga �sikreto nga dossier� ha mga nasud ha European Union.

Gin-aayat ko hi G. Blas Ople nga ipagawas ini nga dossier nga ginsering niya nga nagpapamatuod ha pasangil nira nga �terorista� an PKP ngan BHB.

Kung ungod ito nga makakapasar ha mga basaranan nga hudisyal, gin-aayat han PKP an rehimen Macapagal-Arroyo nga gamiton ini nga dossier ngan magsalawad hin pormal nga kaso ha International War Crimes Tribunal nga nagbibista ha mga kaso han �war crimes� ngan pagtalapas ha Geneva Conventions.

Ini nga �sikreto nga dossier an pinakaurhe la ha mga waray data nga pampropaganda kontra ha rebolusyonaryo nga kagiusan. Kaparte ini han usa nga gidedesperadohi nga kampanya han pagpakaraut ha BHB nga ginhihimo yana han AFP ngan rehimen Macapagal-Arroyo. Hini nga kampanya pirit nga iginladawan nga nadadabi ha krimen an BHB ngan may plano nga magsabrag hin teror ha katawhan. Kaupod dinhi an masunod nga direkta nga baliko nga propaganda nga iginpagawas han militar hiton naglabay nga adlaw:

(a) nga nadadabi an BHB ha pambobomba hadton Oktubre 10, 2002 ha Kidapawan City, North Cotabato

(b) nga nakuha hin pundo an BHB ha mga operasyon han hweteng

(k) nga mayda 150 �hit squad� nga gin-organisa an BHB nga yana nakada ha Metro Manila

(d) nga may plano an BHB nga magpabuto hin mga bomba ha Metro Manila ngan Central Luzon;

Hugot namon nga ginpanhimuwa ini ngatanan. Ini ngatanan waray gud basaranan ngan puro himo-himo han mga operatiba nga psywar nga waray iba nga katuyuanan kundi an pakarauton an BHB ha ngatanan nga higayon ngan pamaagi-bisan pa nga an istorya nga nahimo nira ini gihihirayoi na ha kamatuoran ngan realidad.

Nakukurian na hin maupay an militar nga buringan an BHB tungod kay giuupayi gud an rekord han hukbong bayan ha pag-uundong ha interes han katawhan ngan pagseguro ha ira kaupayan. Sanglit diri mag-iiha ngan mahibaruan gihapon han katawhan nga puro buwa an gintungtongan han mga desperado nga propaganda nga iginsabrag han mga operatiba ha psywar han AFP.###

Back to top