Labaw�ng mahinungdanon ug kinahanglan ang hisgutanang kalinaw

Gregorio "Ka Roger" Rosal
Spokesperson
Communist Party of the Philippines
Oktubre 11, 2002

Samtang labaw�ng nagkakusog ang gubat sibil sa Pilipinas, labaw�ng mahinungdanon ug kinahanglan ang hisgutanang kalinaw aron maatiman ang interes ug kabulahanan sa katawhang Pilipino ilabina batok sa pagpangabuso-militar; seguruhon ang pagpasiugda sa mga internasyunal nga makatawong balaud ug kalagdaan sa gubat; ug atubangon ang mga gamut-hinungdan sa armadong panagbangi sa katuyuang sulbaron kini.

Sa ingon, dili sukwahi ang hisgutanang kalinaw sa pagkusog sa armadong panangbangi. Inay, hingpit kini nga kinahanglanon.

Busa, kanunay�ng bukas ang Partido Komunista sa Pilipinas ug mga rebolusyonaryong organisasyon nga moatubang sa unsamang rehimen nga andam sa seryoso ug matinud-anong hisgutanang kalinaw.

Apan wala gyu�y interes ang rehimeng Macapagal-Arroyo sa hisgutanang kalinaw. Hingpit nang nangibabaw ang mga militarista nga sukad niadto mibabag na sa tanang mga pagpaningkamot nga ipasiugda ug i-asdang ang hisgutanang kalinaw. Sa laktud, dili na makapakugang ang pamahayag sa nag-unang militarista nga si Angelo Reyes nga �walay kamahinungdanon� ang hisgutang kalinaw. Sukad niadto, siya na ang nag-unang babag sa pag-asdang sa hisgutanan tali sa NDFP ug GRP.

Nagdumili�g maayo sila Gen. Angelo Reyes nga makighisgot mahitungod sa kalinaw kay makababag kini sa larga-todong gubat nga gilunsad sa mga utok-pulbura nga pasista. Hingpit na siya karong gisuportahan ni Gloria Macapagal-Arroyo nga adunay daghang oras alang sa �sex� apan walay oras alang sa hisgutanang kalinaw. Anaa lamang sa handurawan ni Macapagal-Arroyo ang giingon niya nga �95% sa katawhan� ang �mibalibad� na sa hisgutanang kalinaw.

Nakighiusa kami sa nagkalain-laing organisasyong masa, mga pulitiko, mga taong-simbahan, mga doktor, negosyante ug uban pang nanawagan nga subling buksan ang pormal nga hisgutanang kalinaw. Nagpabiling tibuok ang negotiating panel sa NDFP. Kanunay�ng andam sila Kaubang Luis Jalandoni nga makig-atubang sa tugbang niining panel sa GRP.

Andam ang PKP ug Bagong Hukbong Bayan nga ipasiugda ang tanang kasabutan tali sa GRP ug NDFP lakip ang Comprehensive Agreement on Respect for Human Rights and International Humanitarian Law (CARHRIHL). Kining mga kasabutan, hingpit nga gihataga�g bili sa PKP ug BHB ilabina ang CARHRIHL tungod kay gipasiugda niini ang mga katungod sa masa ug nagtakda og mga lakang alang sa paghikyad og mga mul� batok sa pagpangabuso.

Nanawagan kami sa tanang grupo ug indibidwal nga interesado sa hisgutanang kalinaw nga batokan ang tanang maniobra sa mga militarista nga ibasura ang hisgutanang kalinaw.

Duyog niini, buot namong ipahayag ang kaandam sa PKP ug BHB nga padayong magmalahutay sa armadong pakigbisog ug pakyason ang larga-todong gubat sa rehimeng Macapagal-Arroyo. Magpadayon ang mga armadong opensiba sa Bagong Hukbong Bayan aron babagan ang mga abusadong tropang militar ug depensahan ang interes ug mga rebolusyonaryong kadaugan sa katawhan.

Back to top