Ang duha ka reyd sa BHB nakapunting sa mga lehitimong target-militar ug dili mga �terrorist act�

Gregorio "Ka Roger" Rosal
Spokesperson
Communist Party of the Philippines
Setyembre 29, 2002

Ang duha ka madaugong reyd sa Bagong Hukbong Bayan sa Maco, Compostela Valley ug Lopez, Quezon, tanan gilunsad batok sa mga lehitimong target-militar.

Diha sa kaso sa reyd sa Quezon, namatikdan bisan ni Meyor Sonny Ubana kung unsa gi-atiman sa mga manggugubat sa BHB ang kaayohan sa mga sibilyan, ilabina ang mga bata, ug gisiguro nga dili sila masugamak sa panagsangka.

Busa, klaro gayud nga dakong kahungogan nga yawyawon sa AFP ug Malakanyang kini mga �terrorist act.� Layo kaayo kini sa terorismo.

Dili terorismo ang paglunsad og mga armadong aksyon batok sa AFP ug PNP. Sa dagan sa armadong panagbangi, ang mga aktibong elemento sa armadong pwersa sa kang kinsamang panig, maila nga mga lehitimong target, bisan pa nga giila usab ang mga katungod sa mga elemento nga napiit o misurender na.

Sa laktud, ang mga elemento sa PNP, usa sa mga lehitimong target-militar tungod kay kini aktibo sa �counter-insurgency� ug kung sa ingon, lambigit sa armadong panagbangi. Gitarget sa BHB, nag-una, ang pinakanotoryus nga mga yunit sa PNP ug AFP nga adunay dagkong mga sal� sa katawhan. Gitinguha sa BHB nga imbargohon ang ilang mga armas sa katuyoang putlan sila og pasistang bangkil, silotan sila sa ilang mga kasal-anan sa katawhan, itaas ang moral sa katawhan ug dugang pakusgon ang rebolusyonaryong armadong pakigbisog.

Kining duha ka nagmadaugong reyd sa BHB, nagpakita nga padayon nga nag-asdang ug nagkakusog ang mga rebolusyonaryong pwersa nga atubangon ug pakyason ang all-out war sa rehimeng Macapagal-Arroyo. Ang mga armas nga na-imbargo gamiton sa pag-armas sa mga bag-ong rekrut sa BHB.

Nahasubay sa panawagan sa Komite Sentral sa Partido Komunista sa Pilipinas, padayon nga pakusgon sa mga rebolusyonaryong pwersa ang armadong pakigbisog pinaagi sa paglunsad og nagakadaghan ug nagakasubsob nga mga armadong taktikal nga opensiba.

Back to top