Mahitungod sa terorismo sa imperyalismong US ug rehimeng Macapagal-Arroyo

Gregorio "Ka Roger" Rosal
Spokesperson
Communist Party of the Philippines
Setyembre 12, 2002

Nakighiusa ang Partido Komunista sa Pilipinas sa paghandum sa libuan nga katawhang Amerikano ug uban pang nasyunalidad nga biktima sa teroristang atake niadtong Setyembre 11, 2001 sa WTC ug Pentagon sa USA.

Mahinumduman nga niadtong miaging tuig, gipahayag namo ang pagpanghimaraot niini sa Partido Komunista. Dungan niini, gipanghimaraot usab sa PKP ang mas kanap ug mas dautan nga terorismo sa imperyalismong US nga inadlaw-adlaw nga nanggun-ub sa minilyon-milyon nga katawhan sa tibuok kalibutan.

Human sa usa ka tuig, labaw�ng giduso sa PKP ang baruganan niini batok sa terorismo, ilabina sa terorismo sa imperyalismong US nga nanggun-ub karon sa tibuok kalibutan. Ang gideklarar nga "gubat batok terorismo" ug "gubat nga walay utlanan" nagdulot karon og walay tumbas nga kalisdanan ug pag-antus sa katawhan sa Afghanistan, naghulga nga dugang hapakon ang Iraq ug naghulga sa pagdilaab og mas kaylap nga gubat.

Gigamit karon sa imperyalismong US ang "gubat batok terorismo" isip rason alang sa pagpakanap sa gahum niini sa tibuok kalibutan. Gipugos niini ang tanang nasud, giyatakan ang ilang soberenya ug gibale-wala ang mga internasyunal nga institusyon, kasabutan ug mga sukaranan sa sibilisadong pakigrelasyon tali sa mga gawasnong kanasuran.

Gipanghimaraot sa Partido Komunista sa Pilipinas ang terorismo, pagpanggubat ug paghulhog og gubat sa imperyalismong US. Gipanghimaraot usab sa PKP ang rehimeng Macapagal-Arroyo nga walay gihimo kundili ang but� nga pagsunod sa matag mando sa agalon niini nga si US President Bush.

Tinuyong iresponsable, walay sukaranan ug malisyoso ang paghinganlan sa imperyalismong US ug rehimeng Macapagal-Arroyo nga terorista ang PKP ug BHB. Hiwi ang pangatarungan ni Macapagal-Arroyo nga mga "generic terrorist" ang PKP ug BHB tungod kay gipaasdang niini ang armadong pakigbisog nga naninguha nga pahugnuon ang reaksyunaryong gubyerno. Kung may dyutay man lamang nga kasayuran sa internasyunal nga balaud si Macapagal-Arroyo, angay niyang masayran nga kanap nga gidawat sa kalibutan nga adunay pagkalahi ang terorismo ug rebolusyonaryong armadong pagsukol sa usa ka madaugdaugon nga estado nga sama sa itoy nga republika sa Pilipinas.

Ang ingon niini nga paghinganlan sa PKP ug BHB gihimo lamang aron mahataga�g rason ang padayon nga presensya sa mga tropang Amerikano sa nasud. Sa miaging tuig, gigamit sa imperyalismong US ug itoy nga rehimeng Macapagal-Arroyo ang "gubat batok-terorismo" aron subling ibalik ang mga tropang Amerikano sa nasud ug seguruhon ang permanenteng presensya niini. Gigamit ug padayon nga gamiton sa US ang paglunsad og mga tinampo nga pagbansay-bansay militar isip takuban sa direktang armadong interbensyon sa US sa mga internal nga hisgutanan sa Pilipinas.

Nagbarog ang PKP ug Bagong Hukbong Bayan nga walay luna ug sukwahi ang terorismo sa pagpaasdang og rebolusyonaryong armadong pakigbisog ug lapas kini sa mga internasyunal nga sukdanan sa kondukta sa gubat. Kini nga baruganan, wala lamang ipahayag ni Ka Roger, kundili nahipatik sa mga pundamental nga prinsipyo ug kalagdaan nga inadlaw-adlaw nga gipatuman sa mga manggugubat sa Bagong Hukbong Bayan.

Sa praktika, kung mogamit og terorismo ang PKP ug BHB, ug kung giperwisyo, gidaugdaog ug gihadlok niini ang katawhan, wala unta�y rebolusyonaryong armadong pakigbisog nga kanap sa tibuok nasud karon, nga gisuportahan ug gituboy sa minilyon nga Pilipino ug inadlaw-adlaw nga nagakalapad ug nagakakusog.

Walay luna ang terorismo sa pagpaasdang sa gubat sa katawhan. Sukwahi kini sa mga pundamental nga rebolusyonaryong prinsipyo. Sa kamatuoran, dili moasdang isip kanap nga pangmasang pagpanglimbasog ang rebolusyon kung migamit kini og terorismo ug nanggun-ub sa interes ug kaayohan sa masa.

Sa panglantaw sa imperyalismong US ug reaksyunaryong estado, ang Partido ug BHB mga "terorista" tungod kay ang tinguha, mga prinsipyo ug gimbuhaton niini nagdulot og kahadlok ug kadaot kanila. Apan sa kanila lamang kini.

Sa mata sa masang mamumuo ug mag-uuma, ang tinuod nga terorista mao ang mersenaryong AFP ug PNP ug uban pang mga mersenaryong armadong pundok sa reaksyunaryong rehimen. Sistematikong gigamit sa reaksyunaryong estado ang teroristang binuhatan sama sa pagpamomba, pagpaarak, iligal nga pagpangaresto, pinugsanay�ng pagpabakwit, pagsona, pagpangdagit, pagpanortyur ug pagpatay sa mga sibilyan aron hadlukon ang mga tawo ug sumpuon ang diwa nilang mosukol.

Labaw pa kini karong palig-onon pinaagi sa gisugyot nga balaud nga Anti-Terrorism kuno nga nakasang-at karon sa kongreso. Kung mamahimong balaud, labaw nga mamahimong walay pugong, walay gipili ug walay utlanan ang kadahugan, paghinobra ug pangabuso sa mersenaryong AFP batok ni kinsa mang ilhon nga kaaway ni Macapagal-Arroyo ug sa reaksyunaryong estado.

Ang terorismo sukwahi sa mga rebolusyonaryong prinsipyo ug lapas sa mga istriktong palisiya nga gipatuman sa mga manggugubat sa BHB. Ang pagtahod ug pag-atiman sa mga kabtangan, tanum, panginabuhian ug kaayohan sa masa kanunay�ng prinsipal sa tanan nga gihunahuna ug gilihok sa Partido ug BHB. Unsamang nahimo niini nga sukwahi o lapas niining mga prinsipyoha, kanunay�ng gisaway ug gitul-id ug gipahamtanga�g pagsilot kung grabe.

Dili ikalimud sa AFP nga padayon nga mikaylap ang BHB ug rebolusyonaryong kalihukan. Apan aron malikayan ang kaulaw ug matabunan ang tinuod nga hinungdan sa pagkaylap sa rebolusyonaryong kalihukan, giingon sa mga utok-bulinaw nga kadagkuang militar nga nagakaylap ang impluwensya sa BHB tungod kuno kay daghang lugar ang pinugsanay nilang gibiyaan kay kinahanglan nga ideploy ang pila ka batalyon ngadto sa Basilan aron lutuson ang Abu Sayyaf (nga luyo sa linibo-libo nga tropa, nagpabilin pa gihapong nakapanggun-ub.)

Kining maong pagpangatarungan tinuyong hiwi ug usa ka dakong pagpamakak. Kay ang kamatuoran, wala kanus-a man mawala sa mga gipunting sa mga pusil ug kanyon sa AFP ug PNP ang BHB. Bisan kaniadto nga gimando ni Macapagal-Arroyo ang paglutos sa Abu Sayyaf, nagpabilin nga kapin-kun-kulang 75% sa pwersa sa AFP o halos 200,000 ka tropa ang nakadeploy sa mga sonang gerilya. Apan bisan kini, wala makapugong sa pag-asdang sa BHB. Sa isla sa Mindoro, nga giila isip nasudnong prayoridad ni Macapagal-Arroyo mismo, padayon nga mikaylap ang BHB luyo sa deployment didto og pito ka batalyon sa pwersang panghasmag sa AFP ug PNP ug luyo sa walay pugongpugong nga pagpatay og mga sibilyan, mga paglapas sa tawhanong katungod ug pagpanggun-ub sa panginabuhian sa masa.

Sa tibuok nasud, mikabat na karon sa 128 ang mga natarang gerilya nga gilihukan sa BHB gikan sa 100 niadtong 2001 dayon un� lamang mangatungdanan si Macapagal-Arroyo. Gibungat pa ni Macapagal-Arroyo nga ang maong mga pag-asdang sa BHB bunga sa teroristang pagpanghasi sa BHB diha sa masa. Kung ingon, gihagit namo sila nga magpakita og bisan usa nga kaso lamang sa giingon nilang pagpanghadlok sa masa nga kumpleto sa mga apidabit ug ebidensya ug dili lunlon mga sugilanon ug tinukodtukod nga istorya. Managkakuyog namong adtuon, imbestigaron ug sutaon ang tinuod nga mga panghitabo ug seguradong mugawas ang kamatuoran.

Dungan niini, gihagit namo sila nga pamatud-an nga dili sila ang mga terorista ug ipanghimakak ang daghan na kaayong kaso sa paglapas sa tawhanong katungod ilabina sa Basilan ug Mindoro ug Laguna. Gihagit namo sila nga atubangon ang mga ebidensya ug hatagan og danyos perwisyos ang ilang mga biktima.

Nganong nagdumili ang itoy nga rehimen ug reaksyunaryo ug mersenaryong militar niini nga ipatuman ang Comprehensive Agreement on Respect for Human Rights and International Humanitarian Law ug tukuron ang kaabag niining Joint Monitoring Committee, dihang gipirmahan na man unta ang maong kasabutan sa duha ka pangulo sa negosasyong kalinaw (GRP ug NDFP)?

Nganong dili aprubaran sa itoy nga gubyernong Macapagal-Arroyo ang ICC dihang kauban mismo ang GRP sa pagtuboy niini sa sinugdanan didto sa Rome Convention? Ug direktang gi-ako ug walay kukaulaw nga gibungat sa cabinet oversight committee on national security nga nahadlok kining gamiton ang ICC isip natad sa mga human rights advocate?

Niining adlawa, buot namong subling dun-an ang baruganan sa Partido Komunista batok sa terorismo. Bisan unsa pa kadaghang arsenal sa AFP ang hutdon sa ilang teroristang kampanya, dili kanus-a man moatras o mahadlok ba kaha ang Partido ug rebolusyonaryong katawhan.

Back to top