Ang rehimeng Macapagal-Arroyo ang nag-unang responsable sa makalolooy nga gikasangputan sa atong mga lungsuranon nga gipalayas karon sa Malaysia

Gregorio "Ka Roger" Rosal
Spokesperson
Communist Party of the Philippines
Setyembre 01, 2002

Kusganon nga gipanghimaraot sa Partido Komunista sa Pilipinas ang rehimeng Mahathir sa Malaysia sa gihimo niining dili makatawo nga pagpalayas ug pagpaantus sa gatusan ka libong Pilipinong mibakwit ug namuyo sa Sabah, Malaysia. Angay kining kolektibong ipanghimaraot sa tibuok katawhang Pilipino, hangyuon ang hinanaling pagpahunong niini ug mangayo og danyos perwisyos (bayad-kadaot) alang sa linibo-libong mga biktima niini.

Apan ang labaw pang gipanghimaraot sa Partido Komunista sa Pilipinas, mao ang gubyerno ni Macapagal-Arroyo ug mga nauna niining mga itoy nga rehimen. Mao sila ang nag-unang responsable sa makalolooy nga gikasangputan sa atong mga lungsuranon nga napugos nga mobakwit sa Malaysia. Prinsipal nga hinungdan sa ilang pagbakwit ngadto sa Malaysia mao ang grabeng gibunga sa kawalay-pagtagad sa reaksyunaryong gubyerno ug ug sa walay puas nga mga operasyong militar sa hungog nga katuyoan sa rehimen nga sumpuon ang lehitimong pakigbisog sa mga katawhang Bangsa Moro.

Bahag ang ikog sa mga nangangi ug kasamtangang itoy nga rehimen sa pag-atubang sa unsamang langyaw�ng gubyerno sa pakigbatok alang sa kabulahanan sa mga Pilipinong nanimuyo ug nanarbaho sa laing nasud. Apan dugang ang kabangis niini sa kaugalingong mga katawhan kung ipadayag niini ang ilang mga mul� ug ihingusog ang ilang mga katungud.

Dugay nang nasayran ni Macapagal-Arroyo ang moabutay nang pagpalayas sa mga Pilipinong nanimuyo ug nanarbaho sa nagkalain-laing dapit sa Malaysia tungod na usab sa krisis sa ekonomiya nga nahi-aguman niini sama sa mga kanait niining kanasuran. Apan sama usab sa gihimong pagpasagad sa iyang rehimen sa gikasangputan sa uban pang mga Pilipinong nanarbaho sa laing nasud, nangayugpos lamang kini samtang nagkapulik� kini sa iyang mga gimik aron mapili sa 2004 ug sa hungog nga kampanyang pagpanumpo sa mga kritiko ug dayag nga nakigbatok sa iyang rehimen.

Nagtakuban nga milihok si Macapagal-Arroyo niini na lamang, dihang mibuto na sa midya ang mga pagpangabuso ug pagpaantus sa mga otoridad sa Malaysia sa mga Pilipinong namuyo ug nanarbaho didto. Ug niini ganing miinit na ang isyu ug nagsugod na ang mga lihok protesta batok niining pagpanghagis sa Malaysia, daw ang pundok Macapagal-Arroyo pa ang nagbarog isip tigpahupay sa nagaka-init nga katawhan ug tighangyoay og pasaylo sa binangis ug mapanumpuon nga rehimeng Mahathir sa Malaysia.

Ang mga igsoon natong taga-Mindanao nga mibakwit ug nanimuyo sa Malaysia ug karon mga biktima sa daw hayop nga pagtratar didto sa rehimeng Mahathir, biktima sa duha ka mapanumpuon nga gubyerno. Sama sa mayorya sa katawhang Pilipino, biktima sila sa hingpit nga pagpasagad sa nangaging mga itoy nga rehimen sa Pilipinas ug niining kabag-uhan lamang, sa mapanumpuon nga diktaduryang rehimeng Mahathir sa Malaysia. Karon, linugsanay silang gipapauli sa Pilipinas aron labaw�ng makatagamtam og padayon ug nagakasamut nga pagpanumpo ug pagpahimulos dinhi sa kaugalingong nasud. Karon pa man lamang, ang video sa ilang mangilngig nga kahimtang gigamit na sa punong itoy nga si Macapagal-Arroyo sa mga gimik niini sa pulitika inay nga mangita kini og mga permanenteng solusyon.

Walay malaumang solusyon ang atong mga lungsuranon nga nanginabuhi sa laing nasud sa asa mang dapita sa kalibutan kundili ang paghugpong sa ilang han-ay, paglihok nga nagkahiusa ug pagsumpay sa ilang pakigbatok nganha sa rebolusyonaryong pakigbisog sa uban pang gipahimuslan ug dinaugdaog nga sektor sa Pilipinas.

Back to top