Nganong mapakyas ang all-out war sa rehimeng Macapagal-Arroyo ug gubat agresyon sa US sa Pilipinas

Gregorio "Ka Roger" Rosal
Spokesperson
Communist Party of the Philippines
Agosto 14, 2002

Walay puas ang pagpangandam sa imperyalismong US sa paglunsad og gubat agresyon sa Pilipinas duyug sa deklarasyon sa all-out war sa rehimeng Macapagal-Arroyo. Ang paglakip sa Partido Komunista sa Pilipinas ug Bagong Hukbong Bayan (BHB) sa talaan sa kunohay�ng mga �langyaw�ng teroristang organisasyon� ug ang nagbuyon nga mga lakang nga gihimo sa US, tanan mga pagpangandam aron kahataga�g rason ang pagyatak niini sa nasudnong soberenya sa Pilipinas ug paglunsad og gubat agresyon diha sa mga teritoryo sa Rebolusyonaryong Gubyerno sa Katawhan.

Kinahanglan nga mulihuk ang mga rebolusyonaryo ug progresibong pwersa aron babagan ang gubat agresyon us� pa man kini aktwal nga ilunsad ug pakyason kini oras nga musulud na ang mga tropang Amerikano sa Pilipinas. Kinahanglan nga hiusahon ang katawhan, ipataas ang ilang diwa sa militanteng patriyotismo ug palihukon sila sa tanang natad sa pakigbatok, armado ug dili armado.

Kinahanglang hait nga puntingon ug pahimuslan ang mga istratehiko ug taktikal nga kahuyangan sa imperyalismong US. Sa kasamtangan, daghan ang dayag nga ekonomikanhon ug pulitikanhong bulnerabilidad sa US ug sa rehimeng Macapagal-Arroyo nga gikinahanglan nga sakmiton sa mga rebolusyonaryo ug patriyotikong pwersa. Kining tanan mauy nagpakita kung nganong mapakyas ug unsaon pagpakyas ang US ug rehimeng Macapagal-Arroyo sa tinguha nilang tapuson ang armadong rebolusyonaryong kalihukan sa Pilipinas.

Lakip niini mao ang musunud:

1) Ang nagkasamut nga pangpulitikang pagkahimulag ug pagkahuyang sa rehimeng Macapagal-Arroyo ug ang subsub nga panagbangi sa mga reaksyunaryo. Magkalisud-lisud kini�g maayo nga mudani og suporta alang sa all-out war ug gubat agresyon sa US ilabina oras nga direktang musulud na ang mga tropang Amerikano ug mabutyag ang mga paglapas sa mga tawhanong katungud ug makaylapong pagpanggun-ub sa panginabuhian sa masa. Sa kamatuoran, dili direktang gihulhugan ni Macapagal-Arroyo ang diwa sa patriyotismo nga paspas nga misangkad ilabina sa han-ay sa naghagong masa lakip na ang mga kabatan-unan ug uban pang sektor.

Sa pikas bahin usab, bisan ang pipila ka reaksyunaryong pulitiko, dili andam nga musuporta sa direktang pagpanginlabot sa US sa mga internal nga hisgutanan sa Pilipinas. Dili sama ni Macapagal-Arroyo, aduna pa silay nabilin nga diwa sa pagrespetar sa nasudnong integridad ug kaugalingnan sa Pilipinas.

2) Ang padayon nga nagkagrabing sosyo-ekonomikong krisis sa nagharing sistema. Bisan pa hingpit nga suportahan sa imperyalismong US og kapuluan o kaha gatusan ka milyong dolyar ang all-out war batok sa rebolusyonaryong kalihukan, siguro kining muhigop og dako kaayong kahinguhaan sa bangkrap nang ekonomiya sa Pilipinas.

3) Pinaspasay nga gubat batok sa malungtarong gubat. Tinguha sa imperyalismong US ug reaksyunaryong rehimen nga paspas nga tapuson ang kontra-rebolusyonaryong gubat. Apan mapakyas sila niini. Andam ug adunay katakus ang rebolusyonaryong armadong kalihukan nga dugang pang pasubsubon ug ipataas ang ang-ang sa malungtarong gubat sa katawhan nga karon anaa sa dagway sa kaylap ug sunson nga gerilyang pakiggubat nga nagtagamtam og nagakalapad ug nagakalalum nga suporta sa katawhang Pilipino. Sama sa napamatud-an na sa kasinatian sa China, Vietnam ug Korea, samtang nagakadugay ang gubat sa katawhan, labaw kining nagakakusog ug nagakalapad. Labaw usab nga nagkahuyang ang nagharing malupigong sistema, ang reaksyunaryong rehimeng nagpadagan niini ug ang imperyalismong US nga karon desperado nga makahaw-as gikan sa krisis.

4) Ang pagsalmut sa ground troops sa US. Sa tinguhang tapuson gidayon ang kontra-rebolusyonaryong gubat ug makab-ut ang absolutong superyoridad sa pwersa, kinahanglanon sa imperyalismong US ug AFP nga magpalihuk og lapas sa gatusan ka libong tropa sa tibuok nasud. Panginahanglan ang dinaghang pagpalihuk og ground troops sa imperyalismong US, nga wala pa nila subling himua�g maayo sukad nga gigubat nila ang katawhang Vietnamese. Sa umaabot, siguro gyud nga tagamtamon sa US ang nagakadaghang kaswalti sa mga tropang Amerikano nga ang tanan bulnerableng target sa mga taktikal nga opensiba sa hukbo sa katawhan.

5) Ang mga ekonomikanhong interes sa US sa nasud. Lakip niini ang operasyon sa mga kumpanyang multinasyunal nga gipanag-iya sa dagkong monopolyo kapitalistang Amerikano. Mamahimong maglunsad ang mga patriyotikong mamumuo og mga welga niining mga kumpanyaha isip protesta sa walay pugongpugong nga pagyatak sa nasudnong soberenya sa Pilipinas.

Gawas niini, daghan ang mga opsyon sa BHB aron karkuladong ipiton ang operasyon niining mga kumpanyahang multinasyunal, ilabina sulud sa mga sonang gerilya, ug bisan sa gawas pa. Makita sa mga kumpanyang multinasyunal sa US ang disbintaha kanila sa paglunsad og gubat agresyon sa US sa Pilipinas.

6) Kalihukang anti-gubat sulud sa US ug sa tibuok kalibutan. Sa dili madugay, ang pagkamadaugdaugon ug pagkamagun-ubon sa gubat agresyon sa US sa Pilipinas mabutyag sa katawhang Amerikano ug katawhan sa entero kalibutan. Mamahimo niining ibunga ang usa ka kaylap nga kalihukang anti-gubat sa US nga sama sa kalihukang anti-gubat didto niadtong dekada 1960. Samtang nagakadaghan ang mga kaswalti sa han-ay sa mga tropang Amerikano, magupok ang ilusyon sa invincibility (wala kaparutan) sa gubat high-tech sa US ug muhuyang ang suporta sa mga Amerikanong nagsuportar sa gubat sa kundisyones nga dili kadagmalan ang mga tropang Amerikano.

Back to top