Ang rehimeng US-Macapagal-Arroyo na usab mismo ang nagpamatuud nga kinahanglang ipadayon ang armadong pakigbisog

Gregorio "Ka Roger" Rosal
Spokesperson
Communist Party of the Philippines
Agosto 09, 2002

Dili gayud makatugot ang rebolusyonaryong kalihukan sa panawagan ni Norberto Gonzales, tigpanambag ni Macapagal-Arroyo, nga kinahanglan na namong buhian ang armadong pakigbisog.

Ang mga mapahimuslanon ug madaugdaugon nga palisiya sa rehimeng US-Macapagal-Arroyo mismo ang pinakadakong pamatuud kung nganong kinahanglan nga ipadayon sa katawhang Pilipino ang pagpaasdang sa armadong pakigbisog. Sa kamatuoran, ubus niining rehimen, padayon nga midaghan ang mabayanihon nga mga mamumuo, mag-uuma, kabatan-unan ug kababayen-an nga tinguhang mupasakop sa NPA.

Gipasamut sa rehimeng Macapagal-Arroyo ang pagpanaugdaog, kalisdanan ug pagpamig-ot sa katawhan pinaagi sa:

1. walay puas nga liberalisasyon nga nagbukas sa ekonomiya sa nasud sa paturagas nga pagpanulis sa mga langyaw�ng monopolyong kapitalista

2. but� nga pagpaka-itoy sa imperyalismong US ug larga-tudung pagsurender sa nasudnong soberenya pinaagi sa pagtugot sa pagsulud sa mga tropang Amerikano ug pagdani sa permanenteng presensya nila

3. larga-tudung militarisasyon, ilabina sa kabanikanhan, nga nahimong hinungdan sa daghan kaayong mga kaso sa paglapas sa tawhanong katungud, pagpanamastamas sa mga internasyunal nga tawhanong balaud ug pagpanggun-ub sa panginabuhian sa katawhan.

Ang pagbasura ning kabag-uhan lamang ni Macapagal-Arroyo sa patakaran sa �maximum tolerance�, minangtas nga pagdagmal sa mga malinawong demonstrasyon ug deklarasyon sa all-out war mga lakang nga labaw�ng nagpatin-aw sa panginahanglan sa armadong pakigbisog. Labaw niining gidani ang katawhan nga mukuput og armas ug ipaasdang ang armadong pakigbisog hangtud sa kadaugan.

Ug samtang nagakasamut ang krisis sa nagharing sistema, labaw usab nga mupaspas ang pagsangkad sa dilaab sa armadong rebolusyon sa tibuok nasud.

Back to top