Namiligro ang hisgutanang kalinaw

Gregorio "Ka Roger" Rosal
Spokesperson
Communist Party of the Philippines
Pebrero 11, 2002

Sukwahi sa gibungat ni Silvestre Bello, nangulong negosyador sa GRP peace panel, wala lamang malangan ang hisgutanang kalinaw tali sa NDFP ug GRP. Sa kamatuuran namiligro na kining matapos taliwala sa binagaay�g nawong nga pagpanamastamas sa rehimeng Macapagal Arroyo sa nasudnong soberanya buyon sa paghatag niini�g dalan sa armadong pagpangilabot sa tropang Amerikano sa Pilipinas.

Ang pagrespetar sa nasudnong soberanya mauy usa sa mga pundamental nga prinsipyo nga duruha nga gikahiusahan sa NDFP ug GRP sa gipermahan nila sa The Hague Joint Declaration of 1992 nga nagsilbing gambalay sa hisgutanang kalinaw sa NDFP-GRP.

Kung dili andam ang GRP nga ipasiugda ang pundamental nga prinsipyo sa nasudnong soberanya, tuyo nga dili usab kini andam muatubang sa seryosong panaghisgut kalambigit sa mga pundamental nga hisgutanang pangpulitika, pang-ekonomiya ug pangkatilingban.

Tungud sa direktang pagpanamastamas sa rehimeng Macapagal-Arroyo sa nasudnong soberanya, seryoso nga gikonsidira sa nasudnong konseho sa NDFP kung mabulukon pa nga ipadayon ang pakig-hisgut sa rehimen.

Sa mga nangaging bulan, walay gipakitang interes si Macapagal Arroyo ug iyahang gubyerno nga ipa-asdang ang hisgutanang kalinaw ug himuon kining talaytayan aron maatubang ug masulbad ang mga pundamental nga hisgutanan ug makab-ut ang makatarunganon ug malanatong kalinaw. Sa pikas bahin, naghimo pa ang rehimen ug mga nagkasunud-sunud nga mga lakang aron kababagan ang pagpadayon sa hisgutanang kalinaw:

1. Arbitraryong pagsuspende sa hisgutanan niadtong Agosto 2001 matapos ang makatarunganong pagpahamtang sa BHB sa rebolusyunaryong pagsilut kang Col. Rodolfo Aguinaldo, usa ka mangtas nga pasista;

2. Subling arbitraryong pagsuspende sa naka-takdang pormal nga utrong pagbukas sa hisgutanan sa Norway niadtong Disyembre 10-14 ug human niini, Enero 7 na usab;

3. Paglimitar na lamang sa hisgutanang kalinaw sa back channel talks aron katipigan kini, matangtangan ug pormalidad ug makapon;

4. Pagpamugus nga usbon ang pipila ka mahinungdanong kahiusahan sa The Hague Joint Declaration of 1992, sama sa inang-ang ug hapsay nga proseso sa panaghisgut ug pagresolba sa mga pundamental nga hisgutanan.

Taliwala niining tanan, natiti na ang pagpugong-pugong sa NDFP nga dili usa humanon ang hiusgutanang kalinaw. Sa mga nangaging bulan, pipila ka beses na nga gipa-uyunan sa NDFP ang GRP sa nagkalain-laing kondisyunes nga tinguhang mapadayon pa sa gihapon ang hisgutanan.

Luyo niini, walay gipakita ang GRP nga lakang aron kahataga�g medyus ang pagpangdaut niini sa hisgutanan. Inay, mihimo pa kini karon ug labaw pang dagkong pagbabag sa pagpadayon sa hisgutanan pinaagi sa pagpasiugda sa armadong pagpangilabot sa US sa nasud.

Back to top