Si Macapagal-Arroyo: �Nasawut nga tabunong igsoon� ni Bush!

Gregorio "Ka Roger" Rosal
Spokesperson
Communist Party of the Philippines
Pebrero 09, 2002

Sukwahi sa kamatuuran ang giyawit-yawit ni Gloria Macapagal-Arroyo nga ang mga misupak sa

Balikatan 02-1 mauy mga maka-Abu Sayyaf ug dili Pilipino.

Kinsa ang numero unong buta nga masunudsunuron sa matag patakaran sa imperyalistang US sa Pilipinas, sa kaalautan sa nasud ug katawhang Pilipino?

Kinsa ang nag-unang nagbandera sa gerang agresyon ni Bush batok sa Afghanistan ug sa liwag niini karon sa gubat nga walay pag-kutub batok sa mga �terorista� sa tanang dapit sa kalibutan?

Kinsa ang nag-unang nagpasiugda ug naghatag ug rason sa interbensyon sa US sa mga internal nga hisgutanan sa nasud taman sa pagbukas ug nagdapit og armadong pagpangilabot sa mga tropa sa US sa nasud, lakip na sa mga nataran sa pakigsangka nga tuyo nga paglapas sa konstitusyon sa kaugalingon niyang gubyerno, ug migama pa og lilong nga pakig-arigluhanay sa presidente sa US kalambigit niini ug uban pang hisgutanang militar?

Kinsa ang nagsilbing punuang protiktor ug tig-sap�ungay alang sa mga upisyal sa kadagkuang kumand sa AFP nga nailhan sa tanan nga giduwaan ang hisgutanan sa Abu Sayyaf, nakig-kunsabuhay ug namorsyento sa ilaha sa ransom sa mga hosteds ug nagmaniho og husay nga pagpa-ipsot sa mga bandido diha sa pagsalikup ug pagkalupig?

Kinsa ang ultimong gigikanan sa mga order alang sa mga subsob ug bangis nga militarisasyon ug abusong militar nga nagdulot sa wala pa katupngi sa nangagi ug makaylapon ug walay pagpanuko nga pagpamatay, pagpanurtyur, pagpamig�ut dinaghang pagpabakwit ug uban pang paglapas sa tawhanong katungod, ilabina sa mga lugar sa kabukiran kundiin kusog ang rebolusyonaryong kalihukan?

Kinsa ang pungkay nga tigpasiugda ug tigpatuman sa patakarang �globalisasyon� sa US nga migusbat sa industriya, agrikultura ug ekonomya sa Pilipinas ug nagdulot og dugang pang kakabus ug kalisdanan sa katawhang Pilipino?

Kinsa ang una sa tanan sa pagsiguro nga magpabilin ang suhulan sa mga mamumuo nga ubus pa sa makatawo nga ang-ang ug naghikaw kanila sa ilahang makatarunganong makapabuhi nga suhol, aron makadani og mga langyaw nga mamuhunan nga tinguha lamang sa hilabihan kabaratong kusog-pamuo sa nasud?

Kinsa karon ang pinakaulong maninay sa dinagkong kabaklagan sa gubyerno ug nakigkunsabuhay sa mga sama ni Danding Cojuangco, Lucio Tan ug uban pang kroni ni Marcos ug Estrada batok sa kabulahanan sa nasud ug sa masa sa katawhan?

Si Gloria Macapagal-Arroyo mismo ang pinakaresponsable niining tanan. Siya ang pinakapungkay nga maka-US ug anti-Pilipino. Sa sulabing pagmahal niya kang Bush, wala lamang niya gam-a ang matag pamungat sa iyahang imperyalistang amo, gigama usab niya ang unsa mang tuyong ipagama kaniya ni Bush. Siya walay lain kundili usa ka �ihid nga tabunong igsoon� ni Bush.

Angay nga ipanghimaraut sa tibuok nasud ug katawhang Pilipino si Gloria Macapagal-Arroyo tungud sa iyang hingpit nga pagkapapet ug pagkaantinasyunal ug antikatawhang patakaran, gipamulong ug binuhatan. Adunay kasal-anan siya sa pagtraydor sa Pilipinas ug angay nga i-tratar nga persona non-grata sa katawhang Pilipino.

Back to top