Macapagal-Arroyo: �little brown sister� ni Bush!
Gregorio "Ka Roger" Rosal
Spokesperson
Communist Party of the Philippines
Pebrero 09, 2002 Interamente a kabaliktad ti kinapudno ti indeklara ni Gloria Macapagal-Arroyo a dagidiay mangsupsupiat iti Balikatan 02-1 ket maka-Abu Sayyaf ken saan a Pilipino.
Sinno aya ti numero uno a bulag nga babaonen ti tunggal patakaran ti imperyalista nga US iti Pilipinas uray no pakaperdian ti pagilian ken ti umili a Pilipino?
Sinno aya ti kangrunaan a mangsupsuporta iti gerra nga agresyon ni Bush laban iti Afghanistan nga itan ket nagturong iti awanan beddeng a gubat laban kadagiti "terorista" iti intero a lubong.
Sinno aya ti kangrunaan a nangilatag ken mangipampambar iti interbensyon ti US iti internal nga usapin ti pagilian a nagtinnag iti panangirubbuat ken panangimbita ti armado nga interbensyon dagiti tropa nga US iti pagilian, uray kadagiti larangan ti kombat, a nakalawlawag a pananglabsing iti bukod a konstitusyon ti gubyerno na ken sikreto a nakitinnulag iti presidente ti US mainaig ditoy ken dadduma pay a pangmilitar nga usapin?
Sinno aya ti kangrunaan a patron ken mangisalsalbar kadagiti nangangato nga opisyal ti AFP a naitudo nga agnumnumar iti isyu ti Abu Sayyaf, makikumkumplot kadakuada ken mangal-ala ti porsyento a nagtaud iti ransom dagiti hostages ken mangpalpalusot kadagiti bandido manipud iti pannakatiliw ken pannakaabak?
Sinno aya ti ultimo a naggappuan ti kumand para iti nasaknap ken narungsot a militarisasyon ken abuso militar a makaigapu ti awan kapada na a nasaknap ken awanan asi a pammapatay, tortyor, harasment, aduan a bakwit ken dadduma pay a pananglabsing ti karbengan kas tao, aglalo iti luglugar iti aw-away a napigsa ti rebolusyonaryo a tignayan?
Sinno aya ti numero uno a promotor ken paraipatungpal ti patakaran a "globalisasyon" ti US a mangperperdi iti industriya, agrikultura ken ekonomya ken makaigapu ti nakarkaro a panagmirmiraut ken lallalo a panagsagaba ti umili a Pilipino?
Sinno aya ti awan umartap iti panangtalmeg tapno agtalinaed a nababa ken di-makalung-aw ti sueldo dagiti mangmangged ken mangipapaidam a magun-od da ti nainkalintegan a sueldo tapno laeng maawis na dagiti ganggannaet nga imbestor nga interesado unay iti nakalaklaka a pigsa�t tegged?
Sinno aya ita ti numero uno a patron ti nawadwad a korapsyon iti gubyerno ken makikumkumplot kadagiti kapada da Danding Cojuangco, Lucio Tan ken dadduma pay a kroni da Marcos ken Estrada kontra iti interes ti pagilian ken ti masa nga umili?
Ni Gloria Macapagal-Arroyo mismo ti responsable kadagitoy. Isuna ti kangrunaan a napeklan a maka-US ken anti-Pilipino. Ay-ayaten na unay ni George W. Bush, a saan na laeng nga itamtambor ti tunggal isao ti amo na nga impeyalista, aramiden na pay amin nga ipaaramid ni Bush kaniana. Isuna ket awan sabali no di �little brown sister� ni Bush.
Rumbeng a kondenaren ti intero a pagilian ken amin nga umili a Pilipino ni Gloria Macapagal-Arroyo gapu iti napeklan a kinaaso-aso na ken kadagiti anti-nasyunal ken anti-umili a patakaran, sasao ken aramid na. Maukom kas traydor laban iti Pilipinas ken rumbeng a matrato a persona-non-grata iti umili a Pilipino.
Back to top
| 