Ipanghimaraut ang walay utlanang gubat ni Bush!

Gregorio "Ka Roger" Rosal
Spokesperson
Communist Party of the Philippines
Pebrero 02, 2002

Usa ka walay utlanang gubat ang direktang gideklarar sa numero uno nga imperyalistang butangiro. Binagaay�g nawong nga gideklarar ni George W. Bush ang pagpadayon sa gubat batok sa mga �terorista� naggikan sa Afghanistan ug �asa pa mang dapit sila mahibalgan�.

Pipila ka adlaw pa lamang ang nangagi, gisaysay ni Bush nga ang 2002 mauy mahimong �tuig sa proxy wars� (o kaha mga gera pinaagi sa mga pahuy sa US). Karon, nawad-an na siya og pailub sa mga lokal nga pahuy busa dugang siyang nagdeklarar nga �kung dili sila mulihuk, mulihuk ang Amerika.� Wala nay daghang sulusumbingay si Bush mahitungud sa tinguha sa pagpadala sa mga tropang Amerikano sa bisan asang dapita nga anaa ang mga kaaway sa US, lakip na ang Pilipinas.

Taliwala sa deklarasyon ni Bush, hingpit nga mitin-aw ang hinungdan sa presensya sa pwersang militar sa US karon sa Mindanao: Pangkumbati sila ug wala sila muari dinhi aron musalmut sa pagbansay-bansay.

Gisaysay usab sa charg� d�affairs sa US nga si Robert Fitts sa seremonya sa paglungsad kahapon sa Balikatan 02-1 nga pagkatapos niini, magpadayon pa kini sa Balikatan 02-2 ug mga musunud pang Balikatan sa tibuok tuig ug ang pinakatumong niini mao ang pagpuo sa Abu Sayyaf ug �terorismo� sa nasud.

Gipasundayag niini nga lunlon kabakakan ug pagpanglansis ang pagpalipud-lipod sa mga upisyales sa gubyernong Pilipino mahitungud sa tiunay nga tinguha sa naghingapin nga kalungtad nga dispusisyon sa dakong ihap sa mga tropa sa US diha sa mga nataran sa pakigsangka o combat zones sa nasud.

Prangka nga gibungat ni DND Secretary Angelo Reyes nga kung matapos na sa mga pwersang Amerikano ang Abu Sayyaf, ang musunud nilang target mao ang Bagong Hukbong Bayan. Walay lipud-lipod usab nga gibungat ni Macapagal-Arroyo nga wala siya�y nakit-ang iligal bisan pa nga malanggikit sa kumbati dinhi ang mga tropa sa US ug gihagit pa niya ang mga nagmakmak kaniya nga sulayan ang iyahang deklarasyon pinaagi sa pagpasang-at og kaso sa korte. Apan ang nagkalain-lain pang mga upisyal ug tigpam�b� sa gubyerno mauy milihay ug nagsulay nga ipadayon ang pagpaaron-ingnon nga ang mga pwersa sa US mauy ania lamang dinhi aron muhatag og pagbansay.

Nagpagarpar ug mitisar si Bush isip usa ka dili kaduha- duhaang imperyalistang militarista, nga mao ang iyahang tiunay�ng pagkatawo. Wala na niya magpanumbaling nga dukidukion pa ang hisgutanan sa nasudnong soberanya sa mga nasud nga gikahilunaan sa mga kaaway sa US. Ang nasudnong soberanya sa ubang kanasuran mauy butang nga yatakanan lamang sa mga butas sa mga sundalong Amerikano. Gipanamastamasan niya ang pundamental nga prinsipyo sa pangkalibutang pakiglambigitay nga unibersal nga gidawat sa sibilisadong kalibutan: dili angay�ng pangilabutan ang mga hisgutanang pangsulud sa mga kanasuran.

Gihulagway sa mga pahayag ni Bush ang kahambugero sa usa ka imperyalistang agalon nga nagdiktar sa iyahang mga pahuy ug uban pang bahin sa kalibutan. Giangkon niya sa ngalan sa imperyalismong US ang absolutong gahum, makausa ka bahin nga paglihuk ug plinantadahay�ng pagpangilabut sa uban pang mga nasud. Giplastar niini ang dalan alang sa ekstensyon sa gubat agresyon ni Bush dinhi sa Pilipinas.

Angay nga lugdang ipanghimaraut sa rebolusyonaryong kalihukan ug sa katawhang Pilipino ang pangkalibutang gubat agresyon ni Bush. Angay nilang pangandaman ug supakon ug pakigbatukan kutub-sa-maabut ang pagpangilabut-militar sa US sa nasud.

Back to top