Kundenaren ti gerra nga awanan beddeng ni Bush!

Gregorio "Ka Roger" Rosal
Spokesperson
Communist Party of the Philippines
Pebrero 02, 2002

Maysa a gerra nga awanan beddeng ti direkta nga indeklara ti numeno uno nga imperyalista a butangero. Silalastog nga ideklara ni George W. Bush ti panagtultuloy ti gerra laban kadagiti �terorista� manipud iti Afghanistan ken �sadinno man nga ayan da�. Itay nabiit pay, imbaga ni Bush �a ti 2002 ket tawen ti proxy wars� (wenno gerra babaen kadagiti aso-aso ti US). Itatta ket mautuyanen kadagiti lokal nga aso- aso ken lallalo a nagdeklara a �no saan da nga aggaraw, ti America ti aggaraw.� Saan man laeng a nagpammarang ni Bush maipapan iti panggep ti panangipatulod kadagiti tropa nga Amerikano iti luglugar nga ayan dagiti kabusor ti US, maibilangen ti Pilipinas.

Ad-adda a lumawlawag ti rason ti presensya ti puersa militar ti US idiay Mindanao iti agdama iti sango ti deklarasyon ni Bush: Dagitoy ket para kombat ken saan da nga immay ditoy a mangirussuat ti panagsanay.

Imbaga pay ti US charge d�affairs Robert Fitts iti seremonya ti panangrugi idi kalman ti Balikatan 02-1 a kalpasan daytoy, agtultuloy pay daytoy iti Balikatan 02-2 ken dagiti sumaruno pay a Balikatan iti intero a tawen ken ti panggep dagitoy ket tapno rebbeken ti Abu Sayyaf ken terorismo iti pagilian.

Paruaren daytoy a puros a linalangsot ken pangallilaw ti panangpasam-it dagiti upisyal ti gubyerno ti Pilipinas maipapan iti pudno a panggep ti napaut unay a disposisyon ti adu a bilang dagiti tropa nga US kadagiti larangan ti labanan iti pagilian.

Prangka nga imbaga ni DND Secretary Angelo Reyes a no nagleppasanen dagiti puersa nga Amerikano ti Abu Sayyaf, ti sumaruno a target da ket ti Baro a Buyot ti Umili. Di man laeng nagkirem ti mata ni Macapagal- Arroyo idi imbaga na nga awan ti makita na nga iligal uray no makibiang pay iti kombat dagiti tropa ti US ditoy ken kinarit na pay dagiti mangdildillaw kaniana a subukan ti deklarasyon na babaen ti panangidatag ti kaso iti korte. Ngem dagiti nadumaduma nga opisyal ti gubyerno ken tagapagsarita ket nangliklik ken nangpadas nga agpammarang a dagiti puersa ti US ket adda ditoy tapno mangirussuat ti panagsanay.

Ni Bush ket agsarsarita ken aggargaraw a kas maysa a pudno nga imperyalista a militarista, nga isu�t pudno a kinatao na. Saan na payen a sinagid dagiti usapin ti nailian a soberanya kadagiti pagilian nga ayan dagiti kabusor ti US. Ti nailian a soberanya ti nadumaduma a pagilian ket maysa a banag nga ibaddebaddek laeng dagiti botas dagiti soldalo nga Amerikano. Ilugesluges na ti prinsipyo ti sangalubongan a panagtutunos nga unibersal a sursuroten ti sibilisado a lubong: saan a rumbeng a makibiang kadagiti saritaan nga internal dagiti pagilian.

Ipakpakita dagiti pahayag ni Bush ti arogansya ti maysa nga imperyalista nga amo nga agididiktar kadagiti aso- aso na ken iti intero a lubong. Inaklun na iti nagan ti imperyalismo nga US ti absoluto a turay, makamaysa-a- benneg nga aksyon ken sipaparang nga interbensyon iti nadumaduma a pagilian. Waknitan daytoy ti dalan para iti sangalubungan a gerra nga agresyon ni Bush ditoy Pilipinas.

Ti rebolusyonaryo a tignayan ken ti umili a Pilipino ket rumbeng a nadagsen a kundenaren da ti sangalubongan a gerra nga agresyon ni Bush. Rumbeng nga agsagana ti rebolusyonaryo a tignayan ken ti umili a Pilipino ken ingga�t kabaelan da ket supiaten ken labanan ti pannakibiang a militar ti US iti pagilian.

Back to top