Ipanghimaraut ug batukan ang armadong pagpangilabut sa US sa Pilipinas!

Gregorio "Ka Roger" Rosal
Spokesperson
Communist Party of the Philippines
Enero 26, 2002

Lugdang nga gipanghimaraut sa Partido Komunista sa Pilipinas ang walay pugung-pugong nga pagpangilabut sa mga tropang US sa Pilipinas ug ang binagaay�g nawong nga pangalyupo sa rehimeng Macapagal-Arroyo sa US. Direktang gipanamastamasan niining pagpangilabut ang nasudnong soberanya ug gihimong lubag-lintuwad bisan ang konstitusyon ug mga balaud sa reaksyunaryong gubyerno.

Ang linaraw ug direktang pagpangilabut mauy tilimad-on sa labaw�ng dinagko ug labaw�ng dautan pang agresyong militar sa US. Wala lamang kutubi sa US diha sa Basilan ug sa Abu Sayyaf ang armadong interbensyon niini. Inutro-utro nga gipahayag ni Gen. Angelo Reyes nga musunud ang Bagong Hukbong Bayan ug National Democratic Front of the Philippines isip �buh� nga target� sa mga operasyong militar nga nagpaaron-ingnon nga �military exercises�. Gigamit lamang sa imperyalismong US nga rason ang mga �pagbansay� sa Armed Forces of the Philippines ug ang paghatag og mga �tambag� niini sa pagbatok sa Abu Sayyaf aron paipsuton ug iplastar ang direktang armadong pagpangilabut niini sa nagakalapad ug nagakasubsub nga panagsangka tali sa rebolusyon ug kontra-rebolusyon sa nasud.

Wala malisang ang Partido ug rebolusyonaryong kalihukan niining mga lakanga sa mga imperyalista ug militarista. Determinado ang tibuok Partido nga pakyason kini ug andam nga panguluhan ang katawhan aron batukan ang armadong pagpangilabut sa US sa tanang natad ug pamaagi. Andam usab kini nga pabayron og dakong bili ang rehimeng Macapagal-Arroyo sa hingpit nga pagkapahuy ug pagtraydor niini sa nasud.

Back to top