Kundenaren ken labanan ti armado a pannakibiang ti US iti Pilipinas!

Gregorio "Ka Roger" Rosal
Spokesperson
Communist Party of the Philippines
Enero 26, 2002

Nadagsen a kunkondenaren ti Partido Komunista ti Pilipinas ti awanan lapped a pannakibiang dagiti tropa nga US iti Pilipinas ken ti awanan bain a kinaaso-aso ti rehimen a Macapagal-Arroyo iti US. Direkta nga ilugesluges daytoy a pannakibiang ti nailian a soberanya ken balbaliktaden na uray ti konstitusyon ken dagiti linteg ti reaksyunaryo a gubyerno.

Ti naigaga ken direkta a pannakibiang ket agpangpangta ti daddadakkel ken nakarkaro pay nga agresyon militar ti US. Saan nga ilimita ti US iti Basilan ken iti Abu Sayyaf laeng daytoy nga armado nga interbensyon. Maulli-ullit a pablaak ni Gen. Angelo Reyes nga isaruno da ti Baro a Buyot ti Umili ken National Democratic Front of the Philippines kas �sibibiag a target� dagiti operasyon militar nga agpampammarang a �military exercises�. Us-usaren laeng ti imperyalismo nga US a rason dagiti �pagnagsanay� iti Armed Forces of the Philippines ken ti panangted ti �singasing� iti panaglaban iti Abu Sayyaf tapno ilusot ken ipuesto ti direkta nga armado a pannakibiang na iti lumawlawa ken umir-irteng a labanan iti baet ti rebolusyon ken kontra-rebolusyon iti pagilian.

Saan a mapabutngan ti Partido ken ti rebolusyonaryo a tignayan kadagitoy nga addang dagiti imperyalista ken militarista. Determinado ti intero a Partido a paayen daytoy ken sisasagana nga idauluan na ti umili tapno labanan ti armado a pannakibiang ti US iti amin a tay-ak ken wagas. Nakasagana met daytoy a pagbayaden ti nangina ti rehimen a Macapagal-Arroyo iti direkta a kinaaso-aso ken panagtraydor na iti pagilian.

Back to top