Naan-anay nga itandudo ti Partido ken dagiti mannakigubat ti NPA ti tigil-putukan ita a Paskua
Gregorio "Ka Roger" Rosal Spokesperson Communist Party of the Philippines
Disyembre 18, 2001 Awanan batayan a panang-intriga laeng ti pahayag ni Gen. Eduardo Ermita a saan nga ammo ti NDFP negotiating panel ti kasasaad dagiti rebolusyonaryo a puersa iti batayan a tukad wenno saan kano nga agkaykaysa ti NDF iti usapin ti panangituloy ti tungtongan iti kappia iti GRP. Daddadaelen laeng daytoy ti panagpursigi ti nadumaduma a puersa a partuaten ti nasayaat a kundisyon para iti tungtongan iti kappia.
Ti order para iti tigil-putukan manipud Disyembre 15, 2001 inggana Enero 6, 2002 ket inyulog ti NDF iti nagan ti Partido ken NPA. Ti Komite Sentral ken Komisyong Militar ti Partido ket nagiyisyu ti kabatog nga order para kadagiti mannakigubat ti NPA.
Segun ditoy nga order, saan a mangiwayat kadagiti taktikal nga opensiba ti NPA iti umay a Disyembre 26, 2001, aldaw ti maika-33 anibersaryo ti pannakaibangon manen ti Partido Komunista ti Pilipinas. Kasupadi daytoy iti isawsawang ni Ermita ken ti AFP. Imbes, daytoy ket selebraran dagiti komunista ken rebolusyonaryo a Pilipino kadagiti aw-away ken syudad babaen iti pabpabuya, pulong ken innadal.
Numanpay kasta, agtalinaed a nakaalerto ti amin a yunit ti NPA tapno salakniban ti bagi da iti kanito a tuso a mangraut ti AFP.
Ballaagan mi dagiti puersa ti AFP nga agpanggep a mangirussuat ti operasyon iti nagan ti "panagpatrulya" a saan a sumrek kadagiti teritoryo ti NPA. Sigurado nga ipisok iti peggad ti kastoy nga operasyon ti tigil-putukan.###
Back to top
|