Pagtimbaya sa deklarasyon sa rehimeng Macapagal-Arroyo sa hunong-buto sa Kapaskuhan

Gregorio "Ka Roger" Rosal
Spokesperson
Communist Party of the Philippines
Disyembre 10, 2001

Gitimbaya namo ang deklarasyon sa rehimeng Macapagal-Arroyo sa hunong- buto sukad niining adlawa taman sa Enero 6, 2002 isip tubag sa nauna nang gideklarar sa Partido Komunista ug NDFP nga hunong-buto magsugod sa tunga-tunga sa gabii sa Disyembre 15 taman sa tunga-tunga sa gabii sa Enero 15. Ang deklarasyon sa PKP ug NDFP nga hunong-buto muepekto oras nga madawat sa NDFP negotiating panel ang upisyal nga kamanduan ni Macapagal-Arroyo alang sa samang hunong-buto.

Usa ka maayong butang ang dungang deklarasyon sa hunong-buto nagsukad sa mga musunud nga hinungdan.

Mudulut kini og dakong paghupay sa katawhan diha sa mga lugar nga mitagamtam og masubsubong militarisasyon ug pagpangabuso sa kamut sa AFP. Nagsugod niadtong Hunyo 2001, wala katupngi ang pagpanggun-ub nga natagamtam sa katawhan ilabina sa kabukiran sa Mindoro, Laguna ug uban pang lugar nga gikonsentrahan sa mga opensibang operasyong militar.

Kahatagan og kahigayunan ang tanan nga muhatag og hinabang sa mga biktima sa sulabing militarisasyon, lakip ang gatusang mga Mangyan nga pinugsanay�ng gipabakwit sa ilahang mga lugar. Maayo usab nga kahigayunan kining deklarasyunang hunong-buto aron maimbestigahan ang mga pagpangabuso ug papanubagon ang adunay mga kasal-anan.

Kahatagan og dalan ang pagpalaya sa mga dinakpan sa gubat sa BHB nga sila Sarhento Jeremias Rosete Jr., Pepito S. Simbulan, Wilfredo C. Maldecir ug Herminia E. Sorongon. Kasamtangan, anaa sila sa pag-amuma sa Valentin Palamine Command sa BHB diha sa Far South Mindanao Region. Gidani namo ang mga nahitungdan nga hinanaling makiglambigit sa NDFP negotiating panel aron maproseso ang ilahang paspas ug hapsay nga paglaya. Gilauman namo nga tumbasan sa gubyerno kini nga goodwill measure pinaagi usab sa pagpalaya sa mga bilanggong pulitikal.

Kahataga�g dalan ang pagtukud sa Joint Monitoring Committee aron mapanubaysubay ang pagpatuman sa mga probisyon sa Comprehensive Agreement on Respect for Human Rights and International Humanitarian Law (CARHRIHL).

Gilauman nga makamugna kining mga panghitabo og maayong klima alang sa pagpanumbalik ug pagpatulin sa prosesong kalinaw, nga nahunong tungud sa dili makatarunganong prekundisyon sa rehimeng Macapagal-Arroyo nga hunungon sa BHB ang pagpatuman sa mga makatarunganong desisyon sa mga hukumang bayan ubus sa rebolusyonaryong panggamhanan. Kalambigit niini, makalilipay ang gi-anunsyo sa NDFP ug GRP panel nga mapadayon na usab ang hisgutanang kalinaw sa Enero 7, 2002.

Sa panahon sa hunong-buto, muhunong ang paglungsad sa hukbo sa katawhan sa mga opensibang operasyon batok sa AFP, PNP ug mga pwersang paramilitar ug gawasnong makaduaw kining mga pwersaha sa iya-iyahay�ng kaparintihan. Apan magpabilin ang mga yunit sa BHB sa pusisyong makapanalipud-sa-kaugalingon ug alerto sa mga paglihuk ug pagtraydor sa reaksyunaryong armadong pwersa, sama sa nagkanunayang nahimong kasinatian sa nangagi.###

Back to top