Mahitungud sa paglakip sa BHB diha sa talaan sa US sa mga �terorista�

Gregorio "Ka Roger" Rosal
Spokesperson
Communist Party of the Philippines
Disyembre 09, 2001

Dili kami maapektuhan ni dyutay man lamang sa unsamang ngalana ang iangga sa imperyalismong US diha sa Partido, NDFP ug sa Bagong Hukbong Bayan. Sa pagkatinuud, dugay na kaming gihukman isip terorista sa imperyalismong US ug sa pahuy nga gubyerno. Wala man usab kami maglaum o bin nagtinguha�kung tugkaron, magduda pa ugani kami�sa unsamang pasidungug o kahidlawan gikan sa imperyalismong US. Sa kamatuuran, ang sulabing kasilag kanamo sa imperyalismong US mauy nagkahulugan nga husto ang among gibuhat. Nagkahulugan usab kini nga gikahadlukan kami sa imperyalismong US ug gihatagan na niini og ispisyal nga pagtagad ang pagkusog sa rebolusyonaryong kalihukan nga gipanguluhan sa Partido ug ang paspas nga pagdaghan ug pagsagunsun sa mga malampusong taktikal nga opensiba sa BHB, busa gilakip na karon sa US ang BHB sa bag-ong US Patriot Act Terrorism Exclusion List.

Ingon pa man, direkta namong gipahayag nga ang BHB, dili usa ka teroristang organisasyon. Kini mauy usa ka rebolusyonaryong hukbo nga absolutong gipanguluhan sa Partido Komunista ug nakigbatok alang sa kalingkawasan sa katawhang Pilipino gikan sa pag-ukub ug pagpahimulos sa imperyalismong US ug mga lokal nga gaway niini. Sa kamatuuran, ang imperyalismong US mao ang numero unong terorista sa kalibutan. Ang US langgikit ug migamit sa gatusang teroristang organisasyon sa tibuok kalibutan.

Lugdang namong gisupak ang malisyosong mga implikasyon ug hugaw nga tinguha sa paglakip sa Bagong Hukbong Bayan sa talaan. Indikasyon kini sa walay pugung-pugong nga interbensyon sa imperyalismong US sa internal nga mga hisgutanan sa nasud ug sa pagpaningkamut niining isabutahi ang pag-usbaw sa hisgutanang kalinaw tali sa NDFP ug GRP. Tinguha sa US nga gamiton kini aron labaw�ng kahatagan og katarungan ang laraw niining ipunting na usab ang iyahang �gubat batok sa terorismo� ngadto sa BHB ug sa rebolusyonaryong kalihukan nga gipanguluhan sa Partido, rendahan ang pagsalmut sa pahuy nga rehimen ug butangan og uban pang balagbag ang prosesong kalinaw. Ang pagmagahi sa US nga babagan ang pagpalaya sa mga bilanggong pulitikal, ilabina sila Donato Continente ug Juanito Itaas, mauy usa sa giingong mga signipikanteng babag.

Ang paglakip niining hisgutanan sa adyenda nila George W. Bush (presidente sa US) ug Gloria Macapagal-Arroyo dihang miduaw ang ulahi sa US niini lamang, mauy nagbutyag na sa interbensyon sa US ug pag-ayon niini sa pahuy nga presidente.

Bisan pa man nga dili kini makababag sa padayon namong pagpursigir sa prosesong kalinaw, unsamay sangputanan o mahimong implikasyon sa naingong pag-ayon, mauy bugtong tubagunon sa rehimen. Dugang pa, kinahanglang dili akataron ni Macapagal-Arroyo ang paghukom sa iyahang imperyalistang agalon kung unsang mga organisasyon ang nakalumbay sa mga �terorista� ug babagan ang paglakip sa BHB sa talaan, kung tuyo niya nga mamahimong mahuptanon ang iyahang pagtagad sa prosesong kalinaw diha sa rebolusyonaryong kalihukan.###

Back to top