Panawagan sa rehimeng Macapagal-Arroyo nga hunungon ang mga opensibang militar sa gubyerno ug dungan nga mudeklarar og hunong-buto sa isi�g usa karong Kapaskuhan
Gregorio "Ka Roger" Rosal
Spokesperson
Communist Party of the Philippines
Disyembre 08, 2001 Usa ka maayong butang ang pagdawat ni Gloria Macapagal-Arroyo sa hagit sa NDFP alang sa dungan nga deklarasyon sa hunong-buto musugud sa Disyembre 15 taman sa Enero 15. Kinahanglan nga tumbasan niya karon kini og aktwal nga mga lakang.
Makaayo kini alang sa pagpalaya sa mga dinakpan sa gubat nga gihuptan sa BHB ug pagpalaya usab sa mga bilanggong pulitikal sa gubyerno ngadto sa maayong klima alang sa subling paglungsad og hisgutanang kalinaw.
Ang maong SOMO, mauy hingpit usab nga mapahimuslan sa katawhan ilabina sa mga dapit nga gilamparus karon sa subsub nga operasyong militar nga gilungsad sa mga armadong pwersa sa gubyerno nagsugud pa niadtong Hunyo 2001.
Ingon pa man, mapatuman man ang managkadungan nga SOMO, kinahanglang mabinantayon ang katawhan ug mga rebolusyonaryong armadong pwersa sa pagkapusong sa rehimeng Macapagal-Arroyo. Kinahanglan nga walay haw-ang nga mapangandaman ug harungon ang sinalbahis nga pagpadayon ug plano pang pasubsubon ang mga ataki sa rehimen.
Sa kasaysayan, luyo sa mga deklarasyon sa SOMO, nagkanunayan usab kining gilapas sa AFP pinaagi sa paglungsad og mga opensibang operasyong militar. Dugang pa, sa miaging mga bulan, gipakita sa rehimeng Macapagal-Arroyo ang militaristang patakaran sa iyahang reaksyunaryo ug pahuy nga gubyernong Macapagal-Arroyo sa pag-atubang sa paspas nga nagakasamut nga kahimtang ug mga suliran sa nasud.
Siguro gyud nga labaw pa kini karong pasubsubon ang militarismo taliwala sa paghingalan sa US State Department sa rebolusyonaryong kalihukan isip �terorista� ug sa siguro usab nga panukli niining dugang hinabang militar gikan sa US.
Nagdominar karon ang militaristang pundok nga gipanguluhan ni Angelo Reyes, nga siya usab ang nagpaluyo sa warmongering (pag-agni alang sa gubat) sa gipalagput nga rehimeng Estrada. Kanunay ang pagyawit-yawit niining pundoka alang sa pagdugang og pipila pa ka libong tropa ug CAFGU ug dugang nga badyet militar luyo sa dakuay na kaayong depisit sa badyet ug utang sa sulud ug gawas sa nasud ug sa padayon nga pagtibhang sa daan nang kawad-on sa galastuhanan alang sa mga serbisyong katilingbanon.
Sukad niadtong Setyembre 11, labaw pang nahimong dominante ang patakarang militarista sa gubyerno. Tin-aw nga ang anti-teroristang pakiggubat sa US mao ang giila sa pahuy nga rehimen nga bulawanong oportunidad aron itanyag ang kayutaan, tropa ug serbisyo sa Pilipinas sa agresyong imperyalista bugti sa labaw�ng dakong ayudang militar, pinansyal ug uban pang mga pabor sa negosyo ug pamatigayon. Tudung pagpangalyupo sa patakarang panggawas ug militarismo sulud sa nasud ang gisandigan sa reaksyunaryo ug pahuy nga rehimen sa kahimtang nga gilubok ang nasud ug tibuok kalibutan sa sulabing krisis.
Sa kalapdon, kasubsubon ug brutalidad sa pagpanggun-ub sa kabukiran sa bag-o pa lamang nangatungdanan nga rehimeng Arroyo, dili malalim nga pihadong nalapawan na niini ang kamangtason sa gipalagput nga rehimeng Estrada.
Nag-unang target sa militarisasyon ang isla sa Mindoro matapos nga gipahigayon didto ang malampuson nga pagpalaya kang Maj. Noel Buan niadtong Abril 6. Gilungsad didto ang makaylapon, dinagko ug padayon nga mga operasyong search and rescue lakip ang makaylapon nga pagpanagit, pagpamatay ug pagpanghasi (sama sa Operation Phoenix sa Vietnam) sa mga baryo nga gikatahapang tigsuportahan sa rebolusyonaryong kalihukan.
Labaw�ng kinahanglan nga pangandaman sa rebolusyonaryong kalihukan ang mabangis nga walay puas nga pagpangataki ug plano pang pagpasubsub niini sa rehimen. Taliwala sa naghingapin nga pagpangataki nga gilungsad karon sa rehimen sa mga natarang gerilya ug baseng masa sa BHB, dili musalir ang unilateral o kinaugalingon lamang nga pagdeklarar ug pagpatuman sa Partido sa hunong-buto.###
Back to top
| 