SI GLORIA MACAPAGAL-ARROYO MISMO ANG UTOK UG TIGPANGUNA SA MAKAYLAPONG TERORISMONG MILITAR SA HABAGATANG KATAGALUGAN UG SA TIBUOK NASUD

Gregorio "Ka Roger" Rosal
Spokesperson
Communist Party of the Philippines
Disyembre 04, 2001

Lugdang gipanghimaraut sa Partido Komunista sa Pilipinas ug sa tibuok rebolusyonaryong kalihukan si Gloria Macapagal-Arroyo sa pagpatuman ug pagpakaylap niini sa kuyanap nga terorismong militar sa Habagatang Katagalugan ug sa tibuok Pilipinas.

Ang pinakabag-o sa serye sa mga pagpamatay sa mersenaryo ug teroristang AFP ug PNP mao ang masaker sa Casunugan San Isidro, San Jose, Antipolo City ug sa Pantabangan, Nueva Ecija ug ang pagpatay sa mga elemento sa Task Force Banahaw kang Felipe Lapa, pangulo sa unyon sa mga mamumuo sa Milagros Farms sa Nagcarlan, Laguna.

Si Ka Felipe mauy usa ka madasigon, matinud-anon ug makugihon nga lider-mamumuo sa Milagros Farms. Tungud sa iyahang pagkaaktibo sa unyonismo ug pagbulig sa uban pang mga sektor, gidiskitahan siya sa mga elemento sa gikaintapan nga Task Force Banahaw (TFB), mga "giamuma" niining mga "ex-NPA" ug uban pang dautang elemento nga gigamit sa TFB sa pagpamig-ut ug pagpanghasi niini sa katawhan sa Laguna. Gigamit usab niini ang ngalan sa BHB sa ilahang pagpangukhuk. Pipila na ka hugna nga gisulayan sa TFB nga patyon si Ka Felipe. Niadtong Oktubre 25, nagmalampuson na ang mga berdugo ug terorista ni Macapagal-Arroyo nga palaun ang kinabuhi sa usa na usab ka panag-ingnang lider-mamumuo ug tiunay nga rebolusyonaryo.

Bag-uhay pa lamang nangatungdanan si Macapagal-Arroyo, lilong na niining gimando (pinaagi kang Gen. Angelo Reyes) ang pagpadayon sa makaylapong opensibang militar diha sa mga natarang gerilya sa BHB aron makakab-ut kuno ang gubyerno og bintaha sa pagpadayon sa hisgutanang kalinaw tali niini ug sa NDFP. Gipadayon sa pahuy nga rehimen ang kontra-rebolusyonaryong Campaign Plan Makabayan/Balangai sa rehimeng Estrada luyo sa pagpasigarbo nga pulihan na niini ang all-out war ni Estrada og all-out peace.

Niining Oktubre 1, sa pagduaw ni Macapagal-Arroyo sa Mindoro, direkta niyang giendorso ang makaylapong operasyong militar sa AFP ug PNP sa duha ka prubinsya sa Mindoro ug sa tibuok Habagatang Katagalugan. Tuyong gidugangan pa niya ang daang lima ka batalyon sa AFP ug PNP sa Oriental Mindoro. Busa aduna nay unom ka batalyon kini gawas pa sa usa ka task force sa Philippine Navy, ang Naval Task Force 31 (NTF31) nga gipaubus na sa operational control sa 204th Bde (ang command sa AFP diha sa Mindoro ug Romblon). Isip dugang nga suporta niini, gimando usab ni Macapagal-Arroyo ang pag-asayn sa Army Engineering Battalion sa Abra de Ilog, Occidental Mindoro.

Busa ugani hitak karon ang pagpamatay ug uban pang dagway sa terorismong militar sa Oriental Mindoro nga direktang giisponsor mismo ni Gloria Macapagal-Arroyo. Kapin sa 95 ka mga kaso sa paglapas sa tawhanong katungud ang nahitabo na sa Habagatang Katagalugan sa unang siyam ka bulan sa pagpangatungdanan ni Macapagal-Arroyo. Lakip sa mga biktima ang gatusan ka mga namakwitay (internal refugees), nga kadaghanan mga lumad nga Mangyan.

Gipatuman sa rehimeng Macapagal-Arroyo, pinaagi sa AFP ug PNP ug mga pwersang paramilitar, ang sistematikong patakaran sa pagsabwag og terorismo pinaagi sa Campaign Plan Balangai. Gidala niini ang oryentasyong "Back to Basics", ang kontra-rebolusyonaryong doktrinang US nga nagtudlo sa paggamit og lunlon militar ug ang pinakamangtas nga pagpanumpo diha sa mga rebolusyonaryong pwersa ug mga sibilyang magdadapig o bin nagpanagup niini.

Tungud niining oryentasyuna, gituyo ug gipaniguro sa mga yunit sa teroristang AFP ug PNP ni Macapagal-Arroyo nga sa matag engkwentro tali sa AFP-PNP ug BHB, adunay madahig nga mga sibilyan. Kung wala man usay mga panghitabo nga mga panagsangka, nanguut ug nagpanakup ang AFP ug PNP. Ang mga makaluluuy nga biktimang sibilyan mauy gipanalbeyds, permanenteng gitago o bin walay pugung-pugong nga gipaarakan ug gipasalida nga mga namatay sa mga panangsangka tali sa AFP/PNP ug sa mga yunit sa BHB.

Katuyuan sa ingon niining terorismo nga magsabwag og kahasi sa han-ay sa katawhan diha sa kabukiran aron dili na sagupon ang BHB.

Sama sa gipalagput nga si Estrada, tin-aw nga gipakita ni Macapagal-Arroyo ang iyahang paghandus sa terorismong militar sa kabukiran ug ang iyahang kinaiyang itoy sa iyahang "larga-tudung suporta" sa gubat agresyon nga gipangunahan sa US batok sa Afghanistan.

Taliwala niining tanan, angay nga magkaduyug nga supakon ug batukan sa mga pwersang demokratiko ug progresibo ang terorismong militar nga giendorso mismo ni Macapagal-Arroyo. Ang mga nag-unang pwersang mipalingkud kang Macapagal-Arroyo sa pangatungdanan, angay nga subling maghugpong ug mulihok karon aron atubangon siya ug papanubagon sa iyahang katampalasan sa katawhan.###

Back to top